നവകേരളം സിറ്റിസണ് റെസ്പോള്സ് പ്രോഗ്രാം വികസന ക്ഷേമ പഠന പരിപാടിയുടെ ഭാഗമായി തൃത്താല മണ്ഡലത്തിലെ കര്മ്മ സേനാംഗങ്ങള്ക്കുള്ള ദ്വിദിന പരിശീലന പരിപാടിയ്ക്ക് തുടക്കമായി.നാഗലശ്ശേരി, ചാലിശ്ശേരി ഗ്രാമ പഞ്ചായത്തിലെ കര്മ്മ സേനാംഗങ്ങള്ക്കാണ് ആദ്യഘട്ടത്തില് പരിശീലനം നല്കിയത്. എണ്പതോളം പേര് പരിപാടിയുടെ ഭാഗമായി.
ജനങ്ങളില് നിന്ന് വികസന നിര്ദ്ദേശങ്ങളും ക്ഷേമ പദ്ധതികള് സംബന്ധിച്ച അഭിപ്രായങ്ങളും ആശയങ്ങളും ലഭ്യമാക്കുന്നതിനും പ്രാദേശികമായി വികസന ആവശ്യങ്ങള് മനസ്സിലാക്കി ആസൂത്രണം നടത്തുന്നതിനുമായി അഭിപ്രായങ്ങള് സമാഹരിക്കുകയാണ് പരിപാടിയുടെ ലക്ഷ്യം. ഇതിന്റെ തുടര്ച്ചയായി 2026 ജനുവരി ഒന്നു മുതല് 31 വരെ ഗൃഹ സന്ദര്ശന പരിപാടി നടക്കും.
തൃത്താല ബ്ലോക്ക് പഞ്ചായത്ത് ഹാളില് നടന്ന പരിപാടിയില് മണ്ഡലതല ചാര്ജ്ജ് ഓഫീസര് ഡോ. കൃഷ്ണദാസ് പരിപാടിയുടെ വിശദീകരണം നല്കി. റിസോഴ്സ് പേഴ്സണ്മാരായ പി രാധാകൃഷ്ണന്, ഒ രാജന്, വി ഗംഗാധരന്, പി വി രാമദാസ്, തിമാറ്റിക് എക്സ് പേട്ട് അഞ്ജുബാല,ഹരിതകേരളം മിഷന് ബ്ലോക്ക് കോര്ഡിനേറ്റര് നീരജ രാമദാസ് എന്നിവര് പരിശീലന പരിപാടിയ്ക്ക് നേതൃത്വം നല്കി. ഇന്ന് (ഡിസംബര് 28 ന് ) പരിശീലന പരിപാടി സമാപിക്കും.