യുവജനക്ഷേമ ബോര്‍ഡ് കലാഭവന്‍ മണിയുടെ സ്മരണാര്‍ത്ഥം ‘മണിനാദം 2026’ എന്ന പേരില്‍ ജില്ലാ, സംസ്ഥാന തലങ്ങളില്‍ നാടന്‍പാട്ട് മത്സരം സംഘടിപ്പിക്കും. യുവജനക്ഷേമ ബോര്‍ഡില്‍ അഫിലിയേറ്റ് ചെയ്ത യൂത്ത്/യുവ/അവളിടം ക്ലബ്ബ് ടീമുകള്‍ക്കാണ് പങ്കെടുക്കാന്‍ അവസരം. പങ്കെടുക്കുന്നവരുടെ പ്രായം 18നും 40നും ഇടയിലാവണം. ടീം അംഗങ്ങളുടെ എണ്ണം 10, പരമാവധി സമയം 10 മിനിറ്റ് എന്നിങ്ങനെയാണ്. ജില്ലാതലത്തില്‍ ഒന്നും രണ്ടും മൂന്നും സ്ഥാനക്കാര്‍ക്ക് യഥാക്രമം 25000, 10000, 5000 എന്നിങ്ങനെയാണ് സമ്മാനത്തുക. ജില്ലയില്‍ ഒന്നാം സ്ഥാനം ലഭിക്കുന്നവര്‍ക്ക് തൃശൂര്‍ ചാലക്കുടിയില്‍ നടക്കുന്ന സംസ്ഥാനതല മത്സരത്തില്‍ പങ്കെടുക്കാന്‍ അവസരമുണ്ട. സംസ്ഥാനതല മത്സരത്തില്‍ 1,2,3 സ്ഥാനം നേടുന്നവര്‍ക്ക് യഥാക്രമം 100000, 75000, 50000 രൂപ വീതം പ്രൈസ് മണി ലഭിക്കും.

അപേക്ഷകള്‍ തപാല്‍ വഴിയോ, ഇ മെയില്‍ വഴിയോ ജനുവരി 24 ന് വൈകിട്ട് അഞ്ചിനകം ലഭിക്കണം. വിലാസം- ജില്ലാ യൂത്ത് പ്രോഗ്രാം ഓഫീസര്‍, കേരള സംസ്ഥാന യുവജനക്ഷേമ ബോര്‍ഡ്, ജില്ലാ യുവജന കേന്ദ്രം മലപ്പുറം, മലപ്പുറം ബ്ലോക്ക് പഞ്ചായത്ത് ഓഫീസ്, ഡൗണ്‍ഹില്‍ പി.ഒ., മലപ്പുറം, പിന്‍: 676519. ഇ-മെയില്‍- malappuramyouth@gmail.com. ഫോണ്‍- 0483 2960700.