ആലപ്പുഴ:ജില്ലയിലെ പട്ടികജാതി വിഭാഗക്കാരായ യുവജനങ്ങൾക്ക് കേന്ദ്രസഹായത്താൽ രണ്ടര മാസം ദൈർഘ്യമുള്ള ഡിജിറ്റൽ ഫോട്ടോഗ്രാഫിയിൽ സൗജന്യ പരിശീലനം നൽകുന്നു. അപേക്ഷകർ ബി.പി.എൽ. കുടുംബത്തിൽപ്പെട്ടവരും 10-ാം ക്ലാസ്സ് പാസ്സായവരുമാകണം. അപേക്ഷയോടൊപ്പം റേഷൻ കാർഡ്, വിദ്യാഭ്യാസ യോഗ്യത എന്നിവയുടെ പകർപ്പ്, ജാതി സർട്ടിഫിക്കറ്റ്, വരുമാന സർട്ടിഫിക്കറ്റ്, ബയോഡാറ്റാ (ഫോൺ നമ്പർ രേഖപ്പെടുത്തിയിരിക്കണം) എന്നിവ സമർപ്പിക്കണം. താൽപ്പര്യമുള്ളവർ ഫെബ്രുവരി 15നകം ജില്ല പട്ടികജാതി വികസന ഓഫീസർ, ജില്ല പട്ടികജാതി വികസന ഓഫീസ്, സിവിൽ സ്റ്റേഷൻ അനക്സ്, തത്തംപള്ളി പി.ഒ, ആലപ്പുഴ, പിൻ – 688 013 എന്ന വിലാസത്തിൽ അപേക്ഷ നൽകണം. ഫോൺ നമ്പർ – 0477-2252548.