ജില്ലയില്‍ തിങ്കളാഴ്ച 722 പേര്‍ രോഗമുക്തരായി. 316 പേര്‍ക്ക് കോവിഡ് സ്ഥിരീകരിച്ചു. കൊല്ലം കോര്‍പ്പറേഷനില്‍ ശക്തികുളങ്ങര, കാവനാട് ഭാഗങ്ങളിലും മുനിസിപ്പാലിറ്റികളില്‍ കൊട്ടാരക്കരയിലും ഗ്രാമപഞ്ചായത്തുകളില്‍ നീണ്ടകര, ചവറ, ചാത്തന്നൂര്‍, ആദിച്ചനല്ലൂര്‍, പ•ന ഭാഗങ്ങളിലുമാണ് രോഗബാധിതര്‍ കൂടുതലുള്ളത്.
വിദേശത്ത് നിന്നുമെത്തിയ ഒരാള്‍ക്കും ഇതരസംസ്ഥാനങ്ങളില്‍ നിന്നുമെത്തിയ രണ്ടു പേര്‍ക്കും സമ്പര്‍ക്കം വഴി 310 പേര്‍ക്കും ഉറവിടം വ്യക്തമല്ലാത്ത രണ്ടു പേര്‍ക്കും ഒരു ആരോഗ്യപ്രവര്‍ത്തകനും രോഗം സ്ഥിരീകരിച്ചു.
കൊല്ലം കോര്‍പ്പറേഷനില്‍ ഇന്നലെ 101 രോഗബാധിതരാണുള്ളത്. ശക്തികുളങ്ങര, കാവനാട് പ്രദേശങ്ങളില്‍ 16 വീതവും കിളികൊല്ലൂര്‍, തിരുമുല്ലാവാരം, വടക്കേവിള ഭാഗങ്ങളില്‍ അഞ്ചുവീതവും ഇരവിപുരം, ഉളിയക്കോവില്‍, തട്ടാമല പ്രദേശങ്ങളില്‍ നാലുവീതവും രോഗബാധിരാണ് കോര്‍പ്പറേഷന്‍ പരിധിയിലുള്ളത്.
