കടപ്പുറം ഗ്രാമപഞ്ചായത്ത് രണ്ടാം വാർഡ് ഇരട്ടപ്പുഴയിൽ കാനയുടെയും നടപ്പാതയുടെയും നിർമാണോദ്ഘാടനം ജില്ലാ പഞ്ചായത്ത് മെമ്പർ ഹസീന താജുദ്ദീൻ നിർവഹിച്ചു.

ജില്ലാ പഞ്ചായത്തിൻ്റെ സഹകരണത്തോടെയാണ് പുതുതായി കാനയും നടപ്പാതയും നിർമിക്കുന്നത്. കടപ്പുറം പഞ്ചായത്ത് ജനകീയാസൂത്രണം 2019-20 വർഷത്തെ എസ് സി ഫണ്ടിൽ നിന്നും 20 ലക്ഷം രൂപ ചിലവഴിച്ചാണ് നടപ്പാത നിർമാണം.

കടപ്പുറം ഗ്രാമപഞ്ചായത്ത് പ്രസിഡണ്ട് പി വി ഉമ്മർകുഞ്ഞി അദ്ധ്യക്ഷത വഹിച്ച ചടങ്ങിൽ ബ്ലോക്ക് പഞ്ചായത്ത് പ്രസിഡണ്ട് സി മുസ്താക്കലി മുഖ്യാഥിതിയായി. വൈസ് പ്രസിഡണ്ട് ശ്രീബ രതീഷ്, ക്ഷേമകാര്യ സ്റ്റാൻ്റിംഗ് കമ്മിറ്റി ചെയർമാൻ റസിയ അമ്പലത്ത് വീട്ടിൽ, വാർഡ് മെമ്പർ എം കെ ഷൺമുഖൻ, മെമ്പർമാരായ ഷൈല മുഹമ്മദ്, മൂക്കൻ കാഞ്ചന തുടങ്ങിയവർ പങ്കെടുത്തു.