മെഡിക്കല്‍ വിദ്യാഭ്യാസ വകുപ്പിന്റെ കീഴില്‍ പട്ടികജാതി പട്ടികവര്‍ഗ വിഭാഗത്തില്‍പ്പെട്ടവര്‍ക്കായി നടത്തുന്ന ഡിപ്ലോമ ഇന്‍ ജനറല്‍ നഴ്സിംഗ് ആന്‍ഡ് മിഡ് വൈഫറി കോഴ്സ് 2020-21 ലേക്ക് അപേക്ഷിച്ചവരുടെ താല്‍കാലിക റാങ്ക്ലിസ്റ്റ് പ്രസിദ്ധീകരിച്ചു.

മെഡിക്കല്‍ വിദ്യാഭ്യാസ കാര്യാലയത്തിലും ഡി.എം.ഇയുടെ വെബ് സൈറ്റിലും റാങ്ക്ലിസ്റ്റ് ലഭിക്കും. തിരുവനന്തപുരം, കോട്ടയം, കോഴിക്കോട് സര്‍ക്കാര്‍ നഴ്സിംഗ് കോളേജുകളിലും ലിസ്റ്റ് പരിശോധിക്കാം.
ലിസ്റ്റ് സംബന്ധിച്ച പരാതികള്‍ 23ന് വൈകിട്ട് അഞ്ചിന് മുന്‍പ് മെഡിക്കല്‍ വിദ്യാഭ്യാസ ഡയറക്ടറെ രേഖാമൂലം അറിയിക്കണം. അന്തിമപട്ടിക ഈ മാസം 26ന് പ്രസിദ്ധീകരിക്കും.

പ്രവേശന നടപടികള്‍ക്കുള്ള ഇന്റര്‍വ്യൂ ഡിസംബര്‍ രണ്ടിന് തിരുവനന്തപുരം ഗവ. മെഡിക്കല്‍ കോളേജ് ക്യാമ്പസിലെ അലുംനി ഓഡിറ്റോറിയത്തില്‍ നടക്കും. റാങ്ക് ലിസ്റ്റില്‍ ഉള്‍പ്പെട്ട വിദ്യാര്‍ഥികള്‍ അസ്സല്‍ സര്‍ട്ടിക്കറ്റുകള്‍ സഹിതം നേരിട്ടോ പ്രോക്സി മുഖാന്തരമോ ഇന്റര്‍വ്യൂവിന് ഹാജരാകണം. വിശദ വിവരങ്ങള്‍ www.dme.kerala.gov.in ല്‍ ലഭിക്കും.