കോഴിക്കോട്: തദ്ദേശ സ്വയംഭരണ തെരെഞ്ഞെടുപ്പ്, ക്രിസ്തുമസ്, പുതുവത്സരാഘോഷം എന്നിവയോടനുബന്ധിച്ച് ഉണ്ടാകാനിടയുള്ള മദ്യം-മയക്കുമരുന്ന് ദുരുപയോഗവും വ്യാജമദ്യ/ലഹരി മരുന്ന് വിതരണവും വിപണനവും ഫലപ്രദമായി തടയുന്നതിന് വിവിധ വകുപ്പുകളെ ഏകോപിപ്പിച്ച് ജില്ലയില് കണ്ട്രോള് റൂമും സ്ട്രൈക്കിംഗ് ഫോഴ്സുകളും രംഗത്ത്.
രാത്രികാല പട്രോളിങ് കാര്യക്ഷമമായി നടത്തുന്നതിനും പരാതികളില് സത്വരനടപടികള് കൈക്കൊള്ളുന്നതിനുമായി 24 മണിക്കൂറും പ്രവര്ത്തിക്കുന്ന കണ്ട്രോള് റൂമും സ്ട്രൈക്കിംഗ് ഫോഴ്സുകളുമാണ് പ്രവര്ത്തിക്കുന്നത്.
പൊതുജനങ്ങള്ക്ക് പരാതിയുണ്ടെങ്കില് കണ്ട്രോള് റൂമുകളിലും എക്സൈസ് ഓഫീസുകളിലും ഓഫീസ് മേധാവികളുടെ മൊബൈല് നമ്പറിലും അറിയിക്കാമെന്ന് ഡെപ്യൂട്ടി എക്സൈസ് കമ്മീഷണര് അറിയിച്ചു. പരാതിക്കാരുടെ പേരുവിവരം രഹസ്യമായി സൂക്ഷിക്കും. വന്തോതിലുള്ള സ്പിരിറ്റ്, മാഹി മദ്യം, വിദേശമദ്യം, ചാരായ വാറ്റ് എന്നിവയെക്കുറിച്ച് വിവരം നല്കുന്നവര്ക്ക് പാരിതോഷികം നല്കും.