തിരുവനന്തപുരത്ത് ഞായറാഴ്ച (നവംബര് 29) 370 പേര്ക്കു കൂടി കോവിഡ് 19 സ്ഥിരീകരിച്ചു. 638 പേര് രോഗമുക്തരായി. നിലവില് 4,277 പേരാണു രോഗം സ്ഥിരീകരിച്ചു ചികിത്സയില് കഴിയുന്നത്.
ജില്ലയില് രണ്ടുപേരുടെ മരണം കോവിഡ് മൂലമാണെന്നു സ്ഥിരീകരിച്ചു. ആറ്റിങ്ങല് സ്വദേശിനി ജമീല ബീവി (68), കൂവളശേരി സ്വദേശി തങ്കപ്പന് നായര് (81) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്.
രോഗം സ്ഥിരീകരിച്ചവരില് 244 പേര്ക്കു സമ്പര്ക്കത്തിലൂടെയാണു രോഗബാധയുണ്ടായത്. ഇതില് 8 പേര് ആരോഗ്യപ്രവര്ത്തകരാണ്. രോഗലക്ഷണങ്ങളെത്തുടര്ന്നു ജില്ലയില് 2,524 പേരെക്കൂടി നിരീക്ഷണത്തിലാക്കി. ഇവരടക്കം ആകെ 29,567 പേര് വീടുകളിലും 110 പേര് സ്ഥാപനങ്ങളിലും ക്വാറന്റൈനില് കഴിയുന്നുണ്ട്. നവംബര് 28 വരെ നിരീക്ഷണത്തിലുണ്ടായിരുന്ന 1,536 പേര് രോഗലക്ഷണങ്ങളില്ലാതെ നിരീക്ഷണകാലം പൂര്ത്തിയാക്കി.