കൊല്ലം: ജില്ലയിൽ തിങ്കളാഴ്ച 329 പേര്‍ കോവിഡ് രോഗമുക്തരായി. 292 പേര്‍ക്ക് കോവിഡ് സ്ഥിരീകരിച്ചു. കൊല്ലം കോര്‍പ്പറേഷനില്‍ കാവനാട്ടും മുനിസിപ്പാലിറ്റിയില്‍ പുനലൂര്‍, കൊട്ടാരക്കര ഭാഗങ്ങളിലും ഗ്രാമപഞ്ചായത്തുകളില്‍ തൃക്കരുവ, കടയ്ക്കല്‍, വിളക്കുടി, വെസ്റ്റ് കല്ലട എന്നിവിടങ്ങളിലുമാണ് രോഗബാധിതര്‍ കൂടുതലുള്ളത്.
വിദേശത്ത് നിന്നുമെത്തിയ രണ്ടുപേര്‍ക്കും ഇതര സംസ്ഥാനത്ത് നിന്നുമെത്തിയ ഒരാള്‍ക്കും സമ്പര്‍ക്കം വഴി 287 പേര്‍ക്കും ഉറവിടം വ്യക്തമല്ലാത്ത രണ്ട് പേര്‍ക്കും രോഗം സ്ഥിരീകരിച്ചു.
കൊല്ലം കോര്‍പ്പറേഷനില്‍ 29 പേര്‍ക്കാണ് രോഗബാധ. കാവനാട്-10, കോട്ടമുക്ക്-3 എന്നിങ്ങനെയാണ് രോഗബാധിതരുള്ളത്.
മുനിസിപ്പാലിറ്റികളില്‍ പുനലൂര്‍-16, കൊട്ടാരക്കര-13, കരുനാഗപ്പള്ളി-8 എന്നിങ്ങനെയാണ് രോഗബാധിതര്‍.
ഗ്രാമപഞ്ചായത്തുകളില്‍ തൃക്കരുവ-12, കടയ്ക്കല്‍-11, വിളക്കുടി, വെസ്റ്റ് കല്ലട ഭാഗങ്ങളില്‍ 10 വീതവും കുലശേഖരപുരം-9, ആദിച്ചനല്ലൂര്‍, മൈലം എന്നിവിടങ്ങളില്‍ എട്ടുവീതവും ശൂരനാട് നോര്‍ത്ത്, പന്മന മൈനാഗപ്പള്ളി, ശാസ്താംകോട്ട ഭാഗങ്ങളില്‍ ഏഴുവീതവും ചവറ-6, ഉമ്മന്നൂര്‍, ഏരൂര്‍, തലവൂര്‍, തേവലക്കര പ്രദേശങ്ങളില്‍ അഞ്ചുവീതവും പട്ടാഴി, ഇളമാട്, ഈസ്റ്റ് കല്ലട, കുണ്ടറ, ചടയമംഗലം, തെക്കുംഭാഗം, നീണ്ടകര എന്നിവിടങ്ങളില്‍ നാലുവീതവും വെളിയം, മയ്യനാട്, അഞ്ചല്‍, ഇടമുളയ്ക്കല്‍, തൃക്കോവില്‍വട്ടം, പത്തനാപുരം, പെരിനാട്, പേരയം, പോരുവഴി പ്രദേശങ്ങളില്‍ മൂന്നുവീതവുമാണ് രോഗബാധിതരുള്ളത്. മറ്റിടങ്ങളില്‍ രണ്ടും അതില്‍ താഴെയുമാണ് രോഗബാധിതര്‍.
കൊല്ലം വിളക്കുടി സ്വദേശിനി  പൊടിപ്പെണ്ണ്(80), പാണ്ടിത്തിട്ട സ്വദേശി കെ പാപ്പച്ചന്‍(75) എന്നിവരുടെ  മരണം കോവിഡ് മൂലമാണെന്ന് സ്ഥിരീകരിച്ചു.