അറിയാം…നേടാം
മെറിറ്റ് സീറ്റില് അഡ്മിഷന് ലഭിച്ച് സ്വാശ്രയ മെഡിക്കല്/ എഞ്ചിനീയറിങ് കോളജുകളില് പഠിക്കുന്നവര്ക്കും പദ്ധതിയില് അപേക്ഷിക്കാം. ഒരു വിദ്യാര്ഥിനിക്ക് സ്കോളര്ഷിപ്പ് അല്ലെങ്കില് ഹോസ്റ്റല് സ്റ്റൈപ്പന്ഡ് എന്നിവയില് ഏതെങ്കിലും ഒന്നിനാണ് അപേക്ഷിക്കാനാവുക. ആദ്യ വര്ഷങ്ങളില് അപേക്ഷിക്കാന് കഴിയാതെ പോയവര്ക്കും ഇപ്പോള് പഠിക്കുന്ന വര്ഷത്തേക്ക് അപേക്ഷിക്കാം.
കുടുംബ വാര്ഷിക വരുമാനത്തിന്റെ അടിസ്ഥാനത്തിലായിരിക്കും വിദ്യാര്ഥിനികളെ തെരഞ്ഞെടുക്കുക. കുടുംബ വാര്ഷിക വരുമാനം എട്ട് ലക്ഷം രൂപയില് കവിയരുത്. ബി.പി.എല് കാര്ഡുകാര്ക്ക് മുന്ഗണന. അപേക്ഷകര്ക്ക് ഏതെങ്കിലും ദേശസാല്കൃത ബാങ്കില് സ്വന്തം പേരില് അക്കൗണ്ട് ഉണ്ടായിരിക്കണം. ന്യൂനപക്ഷ ക്ഷേമ വകുപ്പിന്റെ www. minoritywelfare.kerala.gov.in എന്ന വെബ് സൈറ്റിലൂടെ ഓണ്ലൈനായി അപേക്ഷ സമര്പ്പിക്കാം.