പാലക്കാട്: മലയാള സിനിമയിലെ നവ ഭാവുകത്വത്തിന് പിന്നിൽ കേരളാ രാജ്യാന്തര ചലച്ചിത്രമേളയുടെ സ്വാധീനം വലുതാണെന്ന് സംവിധായകന്‍ ലാല്‍ ജോസ് . പുതിയ തലമുറയ്ക്ക് ലോകത്തിന്റെ മാറ്റങ്ങള്‍ ഉള്‍ക്കൊണ്ടു സിനിമ ചെയ്യാനുള്ള ആത്മ വിശ്വാസമാണ് മേള പകർന്നു നൽകുന്നതെന്നും അദ്ദേഹം പറഞ്ഞു . ചലച്ചിത്ര മേളയുടെ 25 വര്‍ഷത്തെ ബൃഹത് ചരിത്രം പരിചയപ്പെടുത്തുന്ന ഫോട്ടോപ്രദര്‍ശനം ഉദ്ഘാടനം ചെയ്യുകയായിരുന്നു അദ്ദേഹം.