ആലപ്പുഴ: നിയമസഭാ തെരഞ്ഞെടുപ്പുമായി ബന്ധപ്പെട്ട പൊതു നിരീക്ഷകരും പോലീസ് നിരീക്ഷകനും ജില്ലയിലെത്തി. അമ്പലപ്പുഴ, കുട്ടനാട് നിയമസഭാ മണ്ഡലങ്ങളുടെ പൊതു‍ നിരീക്ഷകനായി 2006 ബാച്ച് ഐ.എ.എസ് ഉദ്യോഗസ്ഥനായ ഡോ.ജെ.ഗണേശന്‍, ഹരിപ്പാട്, കായംകുളം മണ്ഡലങ്ങളുടെ പൊതു‍ നിരീക്ഷകനായി 2008 ബാച്ച് ഐ.എ.എസ്.ഉദ്യോഗസ്ഥനായ നരേന്ദ്രകുമാര്‍ ഡഗ്ഗ, മാവേലിക്കര, ചെങ്ങന്നൂര്‍ മണ്ഡലങ്ങളുടെ പൊതു‍ നിരീക്ഷകനായി 2008 ബാച്ച് ഐ.എ.എസ്.ഉദ്യോഗസ്ഥനായ ചന്ദ്രശേഖര്‍, അരൂര്‍, ചേര്‍ത്തല, ആലപ്പുഴ മണ്ഡലങ്ങളുടെ പൊതു‍ നിരീക്ഷകനായി 2012 ബാച്ച് ഐ.എ.എസ്.ഉദ്യോഗസ്ഥനായ ധരംവീര്‍ സിങ് എന്നിവരാണ് ജില്ലയിലെത്തി പ്രവര്‍ത്തനം‍ ആരംഭിച്ചത്.

രാവിലെ കളക്ട്രേറ്റിലെത്തിയ പൊതുനിരീക്ഷകര്‍ ജില്ല കളക്ടറുമായും ബന്ധപ്പെട്ട മണ്ഡലങ്ങളിലെ റിട്ടേണിങ് ഓഫീസര്‍മാരുമായും ചര്‍ച്ച നടത്തി. തിരഞ്ഞെടുപ്പ് കമ്മീഷന്‍ നിയോഗിച്ച പോലീസ് നിരീക്ഷകനായി 1998 ബാച്ച് ഐ.പി.എസ്. ഉദ്യോഗസ്ഥനായ എം.ആര്‍.നായിക്ക് ജില്ലയിലെത്തി. ക്രമസമാധാനവുമായി ബന്ധപ്പെട്ട വിശദാംശങ്ങള്‍ ജില്ല പോലീസ് മേധാവിയുമായും കളക്ടറുടമായും ചര്‍ച്ച നടത്തി. സുതാര്യവും നീതിപൂര്‍വവുമായ തിരഞ്ഞെടുപ്പ് നടത്തിപ്പ് ഉറപ്പുവരുത്തുന്നതിനായാണ് തിരഞ്ഞെടുപ്പ് കമ്മീഷന്‍ നിരീക്ഷകരെ നിയോഗിച്ചിട്ടുള്ളത്.