ഇടുക്കി: കോവിഡ് വാക്സിന്‍ ഒന്നും രണ്ടും ഡോസ് ലഭിക്കുന്നതിന്, ഓണ്‍ലൈനില്‍ ബുക്ക് ചെയ്യേണ്ടതാണെന്ന് ഇടുക്കി ജില്ലാ മെഡിക്കല്‍ ഓഫീസര്‍ ഡോ.എന്‍.പ്രിയ അറിയിച്ചു.എല്ലാ ദിവസവും വൈകിട്ട് 3 മണി മുതല്‍ www.cowin.gov.in എന്ന പോര്‍ട്ടലില്‍ വാക്സിന്‍ സ്ലോട്ടുകള്‍ തുറക്കും. ഓണ്‍ലൈനില്‍ വാക്സിന്‍ ബുക്ക് ചെയ്യാന്‍ അസൗകര്യമുള്ളവര്‍ ആ പ്രദേശത്തെ ആശമാര്‍, കുടുംബശ്രീ പ്രവര്‍ത്തകര്‍, അംഗന്‍വാടി പ്രവര്‍ത്തകര്‍ തുടങ്ങിയവരുടെ സേവനം ഉപയോഗിക്കേണ്ടതാണ്. ഇപ്പോള്‍ 45 വയസിനു മുകളില്‍ പ്രായം ഉള്ളവര്‍ക്കാണ് വാക്സിന്‍ നല്‍കിക്കൊണ്ടിരിക്കുന്നത്. മുന്‍ഗണനാ പട്ടികയിലുള്ള 18 മുതല്‍ 45 വയസ് വരെയുള്ളവര്‍ക്കും വാക്സിന്‍ നൽകുന്നുണ്ട്.