കൊല്ലം:  കോവിഡ് മാനദണ്ഡലംഘനങ്ങള്‍ കണ്ടെത്തുന്നതിനായി ജില്ലാ കലക്ടര്‍ ബി. അബ്ദുല്‍ നാസറിന്റെ നിര്‍ദ്ദേശപ്രകാരം നടത്തുന്ന താലൂക്കുതല സ്‌ക്വാഡ് പരിശോധനകളില്‍ 55 സ്ഥാപനങ്ങള്‍ക്ക് പിഴ ചുമത്തി.
കരുനാഗപ്പള്ളി, ആലപ്പാട്, കെ.എസ്.പുരം, പ•ന, തഴവ, തേവലക്കര, ഓച്ചിറ എന്നിവിടങ്ങളില്‍ സെക്ടറല്‍ മജിസ്ട്രേറ്റുമാരുടെ നേതൃത്വത്തില്‍ പരിശോധന നടത്തി. 36 കേസുകളില്‍ പിഴയീടാക്കി. 102 എണ്ണത്തിന് താക്കീത് നല്‍കി
കൊട്ടാരക്കര, ചടയമംഗലം, ചിതറ, ഇളമാട്, ഇട്ടിവ, കടയ്ക്കല്‍, കരീപ്ര, കുമ്മിള്‍, മേലില, നിലമേല്‍, പവിത്രേശ്വരം, ഉമ്മന്നൂര്‍, വെളിയം, വെളിനല്ലൂര്‍, വെട്ടിക്കവല പ്രദേശങ്ങളില്‍ സെക്ടറല്‍ മജിസ്‌ട്രേറ്റുമാരുടെ നേതൃത്വത്തില്‍ നടത്തിയ പരിശോധനയില്‍ 14 കേസുകളില്‍ പിഴ ഈടാക്കി. 129 സ്ഥാപനങ്ങളില്‍ താക്കീത് നല്‍കി.

കൊല്ലം കുണ്ടറയില്‍ നടത്തിയ പരിശോധനയില്‍ നാലു സ്ഥാപനങ്ങള്‍ക്ക് പിഴ ഈടാക്കി. 10 എണ്ണത്തിന് താക്കീത് നല്‍കി. സെക്ടറല്‍ മജിസ്ട്രേറ്റുമാര്‍ നേതൃത്വം നല്‍കി.കുന്നത്തൂരിലെ വിവിധ പ്രദേശങ്ങളില്‍ സെക്ടറല്‍ മജിസ്‌ട്രേറ്റുമാര്‍ നടത്തിയ പരിശോധനയില്‍ ഒരു കേസില്‍ പിഴ ചുമത്തുകയും 25 എണ്ണത്തിന് താക്കീത് നല്‍കുകയും ചെയ്തു.
പുനലൂരിലെ വിവിധ മേഖലകളില്‍ നടത്തിയ പരിശോധനയില്‍ എട്ടു കേസുകള്‍ക്ക് താക്കീത് നല്‍കി.
പത്തനാപുരത്തെ കല്ലുകടവ്, കുന്നിക്കോട്, പിടവൂര്‍ എന്നിവിടങ്ങളില്‍ നടത്തിയ പരിശോധനയില്‍ ഏഴു സ്ഥാപനങ്ങള്‍ക്ക് താക്കീത് നല്‍കി.