മലപ്പുറം: താനൂര്‍ ദേവധാര്‍ ഗവ: ഹയര്‍ സെക്കന്‍ഡറി സ്‌കൂളില്‍ ഭാരത് സ്‌കൗട്ട്സ് ആന്‍ഡ് ഗൈഡ്സ് തുടങ്ങുന്നതിന്റെ ഭാഗമായി ആസ്ഥാന മന്ദിരത്തിന്റെ രേഖകള്‍ കൈമാറി. സ്‌കൂളില്‍ നടന്ന ചടങ്ങില്‍ സ്‌കൂള്‍ അധികൃതരില്‍ നിന്നും സ്‌കൗട്ട് ആന്‍ഡ് ഗൈഡ്സ് അസോസിയേഷന്‍ ജില്ലാ ഭാരവാഹികള്‍ ഏറ്റുവാങ്ങി. നിര്‍ദ്ദിഷ്ട സ്‌കൗട്ട് ഭവന് ദേവധാര്‍ സ്‌കൂളില്‍ 50 വര്‍ഷം മുമ്പ് സ്‌കൗട്ട് പ്രസ്ഥാനം ആരംഭിച്ച സ്‌കൂളിലെ പൂര്‍വാധ്യാപകനായിരുന്ന യശശരീരനായ എന്‍.ജെ. മത്തായി മാസ്റ്ററുടെ സ്മരണയക്കായി എന്‍ .ജെ .മത്തായി മാസ്റ്റര്‍ സ്മാരക സ്‌കൗട്ട് ഗൈഡ് ഭവന് എന്ന പേരില്‍ നാമകരണം ചെയ്യും. പരിപാടിയില്‍ പി.ടി.എ പ്രസിഡന്റ് ഇ.അനോജ് അധ്യക്ഷനായി. സ്‌കൂള്‍ പ്രിന്‍സിപ്പല്‍ എം. ഗണേശന്‍, പ്രധാനാധ്യാപകന്‍ കെ.അബ്ദുസലാം, എസ്.എം.സി. ചെയര്‍മാന്‍ അനില്‍ തലപ്പള്ളി, ഭാരത് സ്‌കൗട്ട്സ് ആന്റ് ഗൈഡ്സ് ജില്ലാ അസോസിയേഷന്‍ സെക്രട്ടറി സി.വി.അരവിന്ദ്, ജില്ല ട്രെയിനിങ് കമ്മീഷണര്‍ ബിജി മാത്യു, സ്റ്റാഫ് സെക്രട്ടറി കെ.ബിജു, സീനിയര്‍ അസിസ്റ്റന്റ് ടി.സജീവ്, രക്ഷിതാക്കളുടെ പ്രതിനിധികളായ മുജീബ് താനാളൂര്‍, എം.സലിം എന്നിവര്‍ സംസാരിച്ചു.
