16 തദ്ദേശസ്ഥാപനങ്ങളിൽ അതിവ്യാപനം

– ഏറ്റവും കുറഞ്ഞ ടി.പി.ആർ. വീയപുരത്ത്; കൂടുതൽ എഴുപുന്നയിൽ
– എ വിഭാഗത്തിൽ 12 പഞ്ചായത്തുകൾ
– ബി വിഭാഗത്തിൽ 46 തദ്ദേശസ്ഥാപനങ്ങൾ

ആലപ്പുഴ: ജില്ലയിൽ പ്രതിവാര കോവിഡ് 19 പരിശോധന നിരക്കിന്റെ (ടി.പി.ആർ) അടിസ്ഥാനത്തിൽ തദ്ദേശസ്വയംഭരസ്ഥാപനങ്ങളെ തിരിച്ച് ജൂലൈ 21 വരെ ഇളവുകളും നിയന്ത്രണങ്ങളും ഏർപ്പെടുത്തി ജില്ല കളക്ടർ എ. അലക്‌സാണ്ടർ ഉത്തരവായി. ജൂലൈ 14 വരെയുള്ള പ്രതിവാര ടി.പി.ആർ. നിരക്കിനെ അടിസ്ഥാനമാക്കിയാണ് വ്യാഴാഴ്ച മുതൽ(ജൂലൈ 15) നിയന്ത്രണങ്ങളും ഇളവുകളും ഏർപ്പെടുത്തിയിട്ടുള്ളത്. ടി.പി.ആർ. അഞ്ചു ശതമാനത്തിൽ താഴെയുള്ള വ്യാപനം കുറഞ്ഞ സ്ഥലങ്ങളെ എ വിഭാഗത്തിലും അഞ്ചു മുതൽ 10 ശതമാനം വരെയുള്ള മിതവ്യാപനമുള്ള സ്ഥലങ്ങളെ ബി വിഭാഗത്തിലുമാണ് ഉൾക്കൊള്ളിച്ചിരിക്കുന്നത്.

ടി.പി.ആർ. 10നും 15നും ഇടയ്ക്കുള്ള അതിവ്യാപനമുള്ള സ്ഥലങ്ങളെ സി വിഭാഗത്തിലും 15 ശതമാനത്തിനു മുകളിലുള്ള അതിതീവ്രവ്യാപനമുള്ള സ്ഥലങ്ങളെ ഡി വിഭാഗത്തിലുമാണ് ഉൾക്കൊള്ളിച്ചിരിക്കുന്നത്. ഡി വിഭാഗത്തിൽ നാലു പഞ്ചായത്തുകളും സി വിഭാഗത്തിൽ രണ്ടു നഗരസഭകളടക്കം 16 തദ്ദേശസ്ഥാപനങ്ങളും ബി വിഭാഗത്തിൽ നാലു നഗരസഭകളടക്കം 46 തദ്ദേശസ്ഥാപനങ്ങളും എ വിഭാഗത്തിൽ 12 പഞ്ചായത്തുകളും ഉൾപ്പെടുന്നു. ജില്ലയിൽ ഏറ്റവും കുറഞ്ഞ ടി.പി.ആർ. നിരക്ക് വീയപുരം പഞ്ചായത്തിലാണ്- 3.35 ശതമാനം. 20.55 ശതമാനമുള്ള എഴുപുന്ന പഞ്ചായത്തിലാണ് ഏറ്റവും ഉയർന്ന ടി.പി.ആറുള്ളത്.

ബാങ്കുൾക്ക് അഞ്ചു ദിവസവും പൊതുജനങ്ങൾക്കായി പ്രവർത്തിക്കാം. ജൂലൈ 17ന് നെഗോഷ്യബിൾ ഇൻസ്ട്രുമെന്റ്‌സ് നിയമപ്രകാരം ബാങ്കുകൾക്കും ധനകാര്യസ്ഥാപനങ്ങൾക്കും അവധിയായിരിക്കും. എ, ബി, സി വിഭാഗത്തിൽ വരുന്ന സ്ഥലങ്ങളിൽ അനുവദനീയമായ വ്യാപാര-വ്യവസായ സ്ഥാപനങ്ങൾക്ക് എല്ലാ ദിവസവും രാവിലെ ഏഴു മുതൽ വൈകിട്ട് എട്ടുവരെ 50 ശതമാനം ജീവനക്കാരെ ഉപയോഗിച്ച് പ്രവർത്തിക്കാം. വിവിധ വിഭാഗങ്ങളിൽ മുമ്പ് സർക്കാർ ഏർപ്പെടുത്തിയ മറ്റ്‌ ഇളവുകളും നിയന്ത്രണങ്ങളും തുടരും.

ശനി, ഞായർ(ജൂലൈ 17,18) തീയതികളിൽ പൂർണ ലോക്ഡൗൺ ആയിരിക്കും. പൂർണലോക്ഡൗണിൽ അനുവദനീയമായ പ്രവർത്തനങ്ങളേ ഈ ദിവസങ്ങളിൽ അനുവദിക്കൂ. കണ്ടെയ്ൻമെന്റ് സോണുകളിൽ കർശന നിയന്ത്രണങ്ങൾ തുടരും.

എ വിഭാഗം (പഞ്ചായത്തിന്റെ പേരും ടി.പി.ആർ നിരക്കും)

വീയപുരം-3.35 ശതമാനം, പാലമേൽ-3.50, നെടുമുടി-3.63, ദേവികുളങ്ങര-3.65, മണ്ണഞ്ചേരി-3.67, ആറാട്ടുപുഴ-3.85, ചിങ്ങോലി-3.88, പുന്നപ്ര തെക്ക്-3.97, മാരാരിക്കുളം വടക്ക്-4.37, പുറക്കാട്-4.38, തൈക്കാട്ടുശ്ശേരി-4.41, എടത്വാ-4.86

ബി വിഭാഗം

നഗരസഭ: ചെങ്ങന്നൂർ-5.59, മാവേലിക്കര-6.12, ഹരിപ്പാട്-7.82, കായംകുളം -9.44

പഞ്ചായത്തുകൾ: അരൂക്കുറ്റി-5.48, കാവാലം-5.54, ,ചെറുതന- 5.78, ചുനക്കര- 6.08, ചമ്പക്കുളം- 6.11, ചേർത്തല തെക്ക്- 6.14, പാണാവള്ളി- 6.17, പുലിയൂർ- 6.27, വെൺമണി- 6.41, മുട്ടാർ- 6.43, പള്ളിപ്പാട്- 6.49, കൈനകരി- 6.75, പെരുമ്പളം- 6.83, പട്ടണക്കാട്- 6.94, വള്ളികുന്നം-7.00, കോടംതുരുത്ത്- 7.10, പുന്നപ്ര വടക്ക്- 7.21, തുറവൂർ- 7.36, മുളക്കുഴ-7.41, മാവേലിക്കര താമരക്കുളം- 7.42, തലവടി- 7.54, തകഴി-7.55, ബുധനൂർ-7.56, ചെറിയനാട്-7.69, ചെട്ടികുളങ്ങര-7.71, നൂറനാട്- 7.94, തഴക്കര- 8.25, നീലംപേരൂർ- 8.36, വെളിയനാട്- 8.57, ചേന്നംപള്ളിപ്പുറം- 8.66, അരൂർ- 8.72, തൃക്കുന്നപ്പുഴ- 8.78, ഭരണിക്കാവ്- 8.95, മാവേലിക്കര തെക്കേക്കര- 9.05, രാമങ്കരി- 9.18, പത്തിയൂർ-9.20, കരുവാറ്റ- 9.43, കണ്ടല്ലൂർ-9.44, കുമാരപുരം- 9.54, വയലാർ- 9.76, തിരുവൻവണ്ടൂർ- 9.91, കുത്തിയതോട് -10.00

സി വിഭാഗം

നഗരസഭ: ആലപ്പുഴ- 10.77, ചേർത്തല-12.91

പഞ്ചായത്തുകൾ: അമ്പലപ്പുഴ വടക്ക്- 10.26, പുളിങ്കുന്ന്്- 10.64, ആര്യാട്-11.31, ആല-11.35, മുഹമ്മ-11.53, കടക്കരപ്പള്ളി-11.81, മുതുകുളം-11.89, കാർത്തികപ്പള്ളി-12.07, മാന്നാർ-12.85, കൃഷ്ണപുരം-13.05, തണ്ണീർമുക്കം-14.22, ചേപ്പാട്-14.38, അമ്പലപ്പുഴ തെക്ക്- 14.56, കഞ്ഞിക്കുഴി-14.91

ഡി വിഭാഗം

പാണ്ടനാട്-15.12, ചെന്നിത്തല തൃപ്പെരുന്തുറ- 16.95, മാരാരിക്കുളം തെക്ക്-20.45, എഴുപുന്ന- 20.55.