കൊല്ലം: കോവിഡ് മാനദണ്ഡ ലംഘനങ്ങള്‍ കണ്ടെത്തുന്നതിനായി ജില്ലാ കലക്ടര്‍ ബി. അബ്ദുല്‍ നാസറിന്റെ നിര്‍ദ്ദേശപ്രകാരം നടത്തുന്ന താലൂക്കുതല സ്‌ക്വാഡ് പരിശോധ നകളില്‍ 24 സ്ഥാപനങ്ങള്‍ക്ക് പിഴ ചുമത്തി.
സെക്ടറല്‍ മജിസ്ട്രേറ്റുമാരുടെ നേതൃത്വത്തില്‍ കൊല്ലം വെസ്റ്റ്, മണ്‍ട്രോ ത്തുരുത്ത്, കല്ലുവാതുക്കല്‍, പൂതക്കുളം എന്നിവിടങ്ങളില്‍ പരിശോധന നടത്തി. അഞ്ച് കേസുകളില്‍ പിഴയീടാക്കി. 34 സ്ഥാപനങ്ങള്‍ക്ക് താക്കീത് നല്‍കി.
കൊട്ടാരക്കരയിലെ വിവിധ പ്രദേശങ്ങളില്‍ നടത്തിയ പരിശോധനയില്‍ എട്ടു കേസുകളില്‍ പിഴയീടാക്കി. 113 എണ്ണത്തിന് താക്കീത് നല്‍കി. സെക്ടറല്‍ മജിസ്ട്രേറ്റു മാര്‍ നേതൃത്വം നല്‍കി.
കരുനാഗപ്പള്ളിയിലെ തേവലക്കര, തഴവ, തെക്കുംഭാഗം, ഓച്ചിറ ഭാഗങ്ങളില്‍ സെക്ടറല്‍ മജിസ്ട്രേറ്റുമാരുടെ നേതൃത്വത്തില്‍ നടത്തിയ പരിശോധനയില്‍ 10 കേസു കളില്‍ പിഴയീടാക്കി. 58 സ്ഥാപനങ്ങള്‍ക്ക് താക്കീത് നല്‍കി.
കുന്നത്തൂര്‍, മൈനാഗപ്പള്ളി, പോരുവഴി മേഖലകളില്‍ സെക്ടറല്‍ മജിസ്ട്രേറ്റു മാരുടെ നേതൃത്വത്തില്‍ നടത്തിയ പരിശോധനയില്‍ ഒരു കേസിന് പിഴ ഈടാക്കി. 21 സ്ഥാപനങ്ങള്‍ക്ക് താക്കീത് നല്‍കി. പത്തനാപുരം, പട്ടാഴി വടക്കേക്കര എന്നിവിടങ്ങളില്‍ നടത്തിയ പരിശോധന യില്‍ 12 കേസുകള്‍ക്ക് താക്കീത് നല്‍കി. ഡെപ്യൂട്ടി തഹസീല്‍ദാര്‍ ഷിലിന്‍ നേതൃത്വം നല്‍കി. പുനലൂരില്‍ തഹസീല്‍ദാര്‍ കെ. എസ്. നസിയയുടെ നേതൃത്വത്തില്‍ നടത്തിയ പരിശോധനയില്‍ 12 സ്ഥാപനങ്ങള്‍ക്ക് താക്കീത് നല്‍കി.