ജനകീയാസൂത്രണ പ്രസ്ഥാനത്തിൻ്റെ രജത ജൂബിലി ആഘോഷം ഒരു വർഷം നീളുന്ന പരിപാടികളോടെ സംഘടിപ്പിക്കാൻ കാഞ്ഞങ്ങാട് നഗരസഭ ആസൂത്രണ സമിതി തീരുമാനിച്ചു. ആഗസ്ത് 17 ന് നടക്കുന്ന സംസ്ഥാന തല ഉദ്ഘാടനത്തോടൊപ്പം
വൈകീട്ട് 4.30 ന് ആലാമിപ്പള്ളി ബസ് സ്റ്റാൻ്റിൽ നഗരസഭ തലത്തിൽ പരിപാടികൾ സംഘടിപ്പിക്കും.1996 മുതലുള്ള നഗരസഭ അധ്യക്ഷരെ ആദരിക്കും.

രജത ജൂബിലി സ്മാരകമായി സാധ്യമായ എല്ലാ ഇടങ്ങളിലും മിയാവാക്കി വനം ഒരുക്കും.1996 ൽ പ്രസിദ്ധീകരിച്ച വികസന രേഖ പരിഷ്കരിക്കാനും കാഞ്ഞങ്ങാട് നഗരസഭയിലെ സാമൂഹ്യ, സാംസ്ക്കാരിക, രാഷ്ട്രീയ വ്യക്തിത്വങ്ങളെ ഉൾപ്പെടുത്തി വിപുലമായ തോതിൽ പരിപാടി സംഘടിപ്പിക്കാനുമായി സംഘാടക സമിതി രൂപികരിച്ചു.

ചടങ്ങിൽ നഗരസഭ ചെയർപേഴ്സൺ കെ.വി. സുജാത അദ്ധ്യക്ഷത വഹിച്ചു. വൈസ് ചെയർമാൻ ബിൽ ടെക്ക് അബ്ദുള്ള, സ്ഥിരം സമിതി ചെയർമാൻമാരായ പി അഹമ്മദലി, കെ.വി സരസ്വതി, കെ അനിശൻ, കെ.വി മായാകുമാരി, കൗൺസിലർമാരായ കെ കെ ജാഫർ, വി.ശോഭ, എൻ അശോകൻ, വി.സുകുമാരൻ, സി.കെ ബാബുരാജ്,എച്ച് ആർ ശ്രീധരൻ,മുകന്ദ് പ്രഭു,പപ്പൻ കുട്ടമത്ത്, റഹ്മ്മത്തുള്ള,കെ.പി ബാലകൃഷ്ണൻ, അബ്ദുൾ മുത്തലിബ്,ഇ.വി ജയകൃഷ്ണൻ,കൃഷ്ണൻ പനങ്കാവ്,കെ.സി പീറ്റർ, മനോജ് കുമാർ എ, നിധിൻ നിട്ടടുക്കം, ടി.വി പ്രേമ, എം.ല ക്ഷമിnഎന്നിവർ സംസാരിച്ചു. വികസന കാര്യ സ്ഥിരം സമിതി ചെയർപേഴ്സൺ സി ജാനകിക്കുട്ടി സ്വാഗതവും നഗരസഭ സെക്രട്ടറി റോയി മാത്യു നന്ദിയും പറഞ്ഞു.