കൊല്ലം: പട്ടികജാതി വികസന വകുപ്പിന്റെ പരിധിയിലുള്ള വെട്ടിക്കവല പാലമുക്കിലെ സര്‍ക്കാര്‍ ഐ.ടി.ഐയില്‍ എന്‍. സി. വി. റ്റി. അംഗീകാരം ഉള്ള കാര്‍പെന്‍ഡര്‍ ട്രേഡിലേക്ക് (ഒരു വര്‍ഷം) പ്രവേശനം ആരംഭിച്ചു. പത്താം ക്ലാസില്‍ പരാജയപ്പെട്ടവര്‍ക്കും അപേക്ഷിക്കാം. പരിശീലനം, ഭക്ഷണം എന്നിവ സൗജന്യമായിരിക്കും.

പ്രതിമാസം 800 രൂപ സ്‌റ്റൈപ്പന്‍ഡ്/ഹോസ്റ്റല്‍ അലവന്‍സ് 1500 രൂപ, ലപ്‌സം ഗ്രാന്‍ഡ് 1000 രൂപ, യൂണിഫോം അലവന്‍സ് 900 രൂപ, സ്റ്റഡി ടൂര്‍ ഇനത്തില്‍ 3000 രൂപ എന്നിവ ലഭിക്കും. പരിശീലനം പൂര്‍ത്തിയാക്കുന്നവര്‍ക്ക് സ്വയം തൊഴിലിനായി 3000 രൂപയും നല്‍കും. www.scdd.kerala.gov.in വെബ്‌സൈറ്റിലെ ഐ. ടി. ഐ. അഡ്മിഷന്‍ 2021 ലിങ്കിലൂടെ അപേക്ഷിക്കാം. അവസാന തീയതി സെപ്റ്റംബര്‍ 15. ഫോണ്‍ – 9495100038.