കൊല്ലം: ജില്ലാ നിയമ സേവന അതോറിറ്റിയുടെ ആഭിമുഖ്യത്തില് താലൂക്കുകളിലെ കോടതി ആസ്ഥാനങ്ങളില് നാളെ (സെപ്റ്റംബര് 11) ലോക് അദാലത്ത് നടക്കും. കോടതിയുടെ പരിഗണനയിലുള്ള ഒത്തുതീര്പ്പാക്കാവുന്ന കേസുകള്, പൊന്നുംവില നഷ്ടപരിഹാര വിധി നടത്തു കേസുകള്, ഇതുവരെയും കോടതിയുടെ പരിഗണനയ്ക്ക് വന്നിട്ടില്ലാത്ത ബാങ്ക് വായ്പ കുടിശിക തര്ക്കങ്ങള്, രജിസ്ട്രേഷന് വകുപ്പുമായി ബന്ധപ്പെട്ട ഭൂമി ന്യായവില അണ്ടര് വാല്യുവേഷന് തര്ക്കങ്ങള്, വാഹനാപകട നഷ്ടപരിഹാര കേസുകള്, വ്യക്തികള് തമ്മിലുള്ള തര്ക്കങ്ങള്, സര്ക്കാര് വകുപ്പുകള് മറ്റു സേവനദാതാക്കള് എന്നിവയ്ക്കെതിരെയുള്ള പരാതികള് എന്നിവ അദാലത്തില് പരിഗണിക്കും.
ലോക് അദാലത്തുമായി ബന്ധപ്പെട്ട് പിഴയൊടുക്കി തീര്ക്കാവുന്ന കേസുകള് തീര്പ്പാക്കാന് ജില്ലയിലെ മജിസ്ട്രേറ്റ് കോടതിയില് നാളെ (സെപ്റ്റംബര് 11 ) രാവിലെ 10 മണി മുതല് സ്പെഷ്യല് സിറ്റിംഗ് ക്രമീകരിച്ചിട്ടുണ്ട്. കൂടുതല് വിവരങ്ങള്ക്ക് അതാത് താലൂക്ക് നിയമ സേവന കമ്മിറ്റി ഓഫീസുമായി ബന്ധപ്പെടണമെന്ന് ചെയര്മാന് സി.ആര്. ബിജു കുമാര് അറിയിച്ചു. ഫോണ് കൊല്ലം-8848244029, കൊട്ടാരക്കര- 8589026008, കരുനാഗപ്പള്ളി-9446557589, പത്തനാപുരം-9446728100, കുന്നത്തൂര്- 9447303220.
