മലമ്പുഴ ഇറിഗേഷൻ പദ്ധതിയുടെ പരിധിയിലുള്ള ഡി.ടി.പി.സി. ഗാർഡനുകളുടെ വരവ് -ചെലവ് തയ്യാറാക്കുന്നതിനും അനുബന്ധ ജോലികൾക്കുമായി ഒരു ക്ലാർക്ക് കം അകൗണ്ടന്റിന്റെ ഒഴിവുണ്ട്. ബി.കോം ബിരുദധാരികളും കമ്പ്യൂട്ടർ പരിജ്ഞാനമുള്ള 35 വയസ്സിൽ കവിയാത്ത പ്രായമുള്ളവരും മലമ്പുഴ, പുതുപ്പരിയാരം, അകത്തേത്തറ പഞ്ചായത്ത്, പാലക്കാട് മുൻസിപ്പാലിറ്റി എന്നിവിടങ്ങളിൽ നിന്നുള്ളവരെയുമാണ് പരിഗണിക്കുന്നത്. ഈ രംഗത്ത് പ്രവൃത്തിപരിചയമുള്ളവർക്ക് മുൻഗണന. ഒരു വർഷത്തേക്ക് കരാറടിസ്ഥാനത്തിൽ പ്രതിമാസം 15000 രൂപ വേതനത്തിലാണ് നിയമനം. താൽപര്യമുള്ളവർ സെപ്റ്റംബർ 29 ന് രാവിലെ 11 ന് ബന്ധപ്പെട്ട അസൽ രേഖകളുമായി മലമ്പുഴ ഇറിഗേഷൻ ഡിവിഷൻ കാര്യാലയത്തിൽ എത്തണമെന്ന് എക്‌സിക്യൂട്ടീവ് എഞ്ചിനീയർ അറിയിച്ചു. വിശദവിവരങ്ങൾ മലമ്പുഴ ഇറിഗേഷൻ ഡിവിഷൻ എക്‌സിക്യൂട്ടീവ് എൻജിനീയറുടെ കാര്യാലയത്തിൽ ലഭിക്കും. ഫോൺ: 0491 2815111