മത്സ്യത്തൊഴിലാളികളുടെ മക്കൾക്ക് ഫിഷറീസ് വകുപ്പ് മുഖേന നടപ്പാക്കുന്ന പ്രത്യേക പരിശീലന പരിപാടികളായ മെഡിക്കൽ എൻട്രൻസ്, റസിഡൻഷ്യൽ ബാങ്ക് ടെസ്റ്റ്, പി.എസ്.സി എന്നിവയിൽ 2021-22 വർഷത്തിൽ പരിശീലനം നൽകാൻ താത്പര്യമുള്ള സ്ഥാപനങ്ങളിൽ നിന്നും താത്പര്യപത്രം ക്ഷണിച്ചു. അതത് മേഖലകളിൽ 5 വർഷത്തെ പ്രവർത്തന പരിചയം ഉള്ളവർക്ക് താത്പര്യപത്രം സമർപ്പിക്കാം. പഠന പശ്ചാത്തല സൗകര്യങ്ങൾ, താമസ സൗകര്യം, ഫീസ്, ഫാക്കൽട്ടി വിവരങ്ങൾ എന്നിവയും അവസാന മൂന്നു വർഷത്തെ വിജയ വിവരങ്ങളും ഉൾപ്പെടുത്തിയാണ് പ്രൊപ്പോസൽ സമർപ്പിക്കേണ്ടത്.

ഒക്‌ടോബർ എട്ട് വരെ പ്രൊപ്പോസൽ സ്വീകരിക്കും. അന്ന് വൈകിട്ട് 3ന് ഹാജരുള്ള സ്ഥാപനങ്ങൾ/ പ്രതിനിധികളുടെ സാന്നിദ്ധ്യത്തിൽ പ്രൊപ്പോസൽ തുറന്ന് പരിശോധിക്കും. കൂടുതൽ വിവരങ്ങൾക്ക് വികാസ്ഭവനിൽ പ്രവർത്തിക്കുന്ന ഫിഷറീസ് വകുപ്പ് ഡയറക്ടറുടെ ഓഫീസുമായി ബന്ധപ്പെടണം. ഫോൺ: 0471-2305042.