നെഹ്‌റു യുവകേന്ദ്രയുടെ ദേശീയ പ്രസംഗ മത്സരത്തിന്റെ ഭാഗമായി കാസര്‍കോട് ജില്ലയില്‍ നടത്തുന്ന ജില്ലാതല പ്രസംഗ മത്സരത്തിലേക്ക് അപേക്ഷിക്കാം. ‘ദേശസ്‌നേഹവും രാജ്യനിര്‍മ്മാണവും ‘എന്ന വിഷയത്തില്‍ ഹിന്ദിയിലോ ഇംഗ്ലീഷിലോ മത്സരിക്കാം. 18നും 29നും ഇടയിലുള്ള കാസര്‍കോട് സ്വദേശികള്‍ക്ക് പങ്കെടുക്കാം.

ജില്ലാതല മത്സരത്തില്‍ വിജയിക്കുന്നവര്‍ക്ക് ക്യാഷ് പ്രൈസും സര്‍ട്ടിഫിക്കറ്റും ലഭിക്കും. ഒന്നാം സ്ഥാനം ലഭിക്കുന്നവര്‍ക്ക് സംസ്ഥാനതല മത്സരത്തില്‍ പങ്കെടുക്കാം. മുന്‍വര്‍ഷങ്ങളില്‍ പങ്കെടുത്തവര്‍ അപേക്ഷിക്കേണ്ടതില്ല. അപേക്ഷകള്‍ സ്വീകരിക്കുന്ന അവസാന തീയതി നവംബര്‍ 20. ഫോണ്‍: 04994 255144, ഇമെയില്‍: dyc.kasargod @gmail.com