ജില്ലയില്‍ ചൊവ്വാഴ്ച 355 പേര്‍ക്ക് കോവിഡ് സ്ഥിരീകരിച്ചു. 358 പേര്‍ രോഗമുക്തി നേടി. സമ്പര്‍ക്കം വഴി 351 പേര്‍ക്കും നാല് ആരോഗ്യ പ്രവര്‍ത്തകർക്കും രോഗം സ്ഥിരീകരിച്ചു.

കൊല്ലം കോര്‍പറേഷനില്‍ 62 പേര്‍ക്കാണ് രോഗബാധ. മുനിസിപ്പാലിറ്റികളില്‍ പരവൂർ- എട്ട്, കരുനാഗപ്പള്ളി-ഏഴ്, കൊട്ടാരക്കര- ആറ്, പുനലൂർ- മൂന്ന് എന്നിങ്ങനെയാണ് രോഗബാധിതരുടെ എണ്ണം.

ഗ്രാമപഞ്ചായത്തുകളിൽ അഞ്ചൽ-14, പത്തനാപുരം-13, കൊറ്റങ്കര-11, വെളിയം, ഇട്ടിവ, ആദിച്ചനല്ലൂർ എന്നിവിടങ്ങളിൽ പത്ത് വീതവും കല്ലുവാതുക്കൽ, ശാസ്താംകോട്ട പ്രദേശങ്ങളിൽ ഒൻപത് വീതവും നെടുമ്പന, നിലമേൽ, കുളക്കട, ഉമ്മന്നൂർ ഭാഗങ്ങളിൽ എട്ട് വീതവും പിറവന്തൂർ, പൂതക്കുളം, മയ്യനാട് എന്നിവിടങ്ങളിൽ ഏഴ് വീതവും ഇളമ്പള്ളൂർ, കടയ്ക്കൽ, കരവാളൂർ, കരീപ്ര, ചിതറ, തഴവ, പോരുവഴി, മൈലം പ്രദേശങ്ങളിൽ അഞ്ച് വീതവും വിളക്കുടി, മൈനാഗപ്പള്ളി, ചടയമംഗലം, കുന്നത്തൂർ, ഏരൂർ, ഇടമുളയ്ക്കൽ ഭാഗങ്ങളിൽ നാല് വീതവും എഴുകോൺ, ഓച്ചിറ, കുളത്തൂപ്പുഴ, തൃക്കോവിൽവട്ടം, തെന്മല, തൊടിയൂർ, നെടുവത്തൂർ, പന്മന, പൂയപ്പള്ളി, പെരിനാട്, പേരയം, വെട്ടിക്കവല, ശൂരനാട് വടക്ക്, ശൂരനാട് തെക്ക് എന്നിവിടങ്ങളിൽ മൂന്ന് വീതവും മറ്റിടങ്ങളിൽ രണ്ടും അതിൽ താഴെയുമാണ് രോഗബാധിതരുടെ എണ്ണം.