ഇ-ഗ്രാന്‍റ്സ് മുഖേനയുള്ള പോസ്റ്റ്‌മെട്രിക് സ്‌കോളര്‍ഷിപ്പിന് അര്‍ഹരായ എല്ലാ
പട്ടികജാതി വിദ്യാര്‍ത്ഥികളും 2022 ജനുവരി 25-നകം തങ്ങളുടെ ബാങ്ക് അക്കൗണ്ട് വിവരങ്ങള്‍, മൊബൈല്‍ നമ്പര്‍ എന്നിവ പഠനം നടത്തുന്ന സ്ഥാപനം മുഖേന ഇ-ഗ്രാന്‍റ്സ് സൈറ്റില്‍ അപ്‌ഡേറ്റ് ചെയ്യണം. സീറോ ബാലന്‍സ് അക്കൗണ്ടുള്ള വിദ്യാര്‍ത്ഥികള്‍ സേവിംഗ്‌സ് അക്കൗണ്ട് ആക്കി മാറ്റിയതിന്നു ശേഷമാണ് അപ്‌ഡേറ്റ് ചെയ്യേണ്ടത്. സേവിംഗ്‌സ് അക്കൗണ്ട് വിവരങ്ങള്‍ മാത്രമേ സൈറ്റില്‍ അപ്‌ഡേറ്റ് ചെയ്യാന്‍ പാടുള്ളൂ 2021-22ല്‍ പോസ്റ്റ്‌മെട്രിക് സ്‌കോളര്‍ഷിപ്പിന് അര്‍ഹതയുള്ള എല്ലാ പട്ടികജാതി വിദ്യാര്‍ത്ഥികളുടെയും അപേക്ഷകള്‍ 2022 ഫെബ്രുവരി 28 നകം ഇ-ഗ്രാന്‍റ്സ് സൈറ്റില്‍ രജിസ്റ്റര്‍ ചെയ്ത് അംഗീകാരം വാങ്ങേണ്ടതാണ്. നിശ്ചിത കാലാവധിയ്ക്കു ശേഷം രജിസ്റ്റര്‍ ചെയ്യുന്നവര്‍ക്ക് സ്‌കോളര്‍ഷിപ്പിന് അര്‍ഹത ഉണ്ടായിരിക്കുന്നതല്ല. കൂടുതല്‍ വിവരങ്ങള്‍ക്ക് വിദ്യാര്‍ത്ഥികള്‍ പഠനം നടത്തുന്ന സ്ഥാപനവുമായി ബന്ധപ്പെടണം