ആലപ്പുഴ ബൈപാസില്‍ അപകടസാധ്യത കുറയ്ക്കുന്നതിനുവേണ്ട ക്രമീകരണങ്ങള്‍ ഏര്‍പ്പെടുത്തുന്നതിന്റെ ഭാഗമായി എട്ടു മുതല്‍ ഫെബ്രുവരി 10 രാവിലെ എട്ടു വരെ വണ്‍വേ ഏര്‍പ്പെടുത്തി.
എറണാകുളത്തു നിന്ന് കൊല്ലം, തിരുവനന്തപുരം ഭാഗത്തേക്ക് പോകുന്ന വാഹനങ്ങള്‍ ബൈപാസ് ഉപയോഗിക്കണമെന്നും എറണാകുളം ഭാഗത്തേക്കുള്ളവ ആലപ്പുഴ ടൗണിലൂടെ പോകണമെന്നും ജില്ലാ കളക്ടര്‍ അറിയിച്ചു.
റെയില്‍വേ മേല്‍ പാലങ്ങളിലും വളവുകളിലും ഓവര്‍ടേക്കിംഗ് നിരോധിക്കുന്നതിന്റെ ഭാഗമായി മധ്യവരയുടെ നിറം മഞ്ഞയാക്കുകയും അമിതവേഗം നിയന്ത്രിക്കുന്നതിനായി മേല്‍പാലങ്ങള്‍ക്കു സമീപം റംബിള്‍ സ്ട്രിപ്പുകള്‍ ഏര്‍പ്പെടുത്തുകയും ചെയ്യുന്ന ജോലിയാണ് നാളെയും ഫെബ്രുവരി 10നുമായി നടത്തുന്നത്.