വളയം ഗ്രാമപഞ്ചായത്തിന്റെ 2021-22 വാര്‍ഷിക പദ്ധതിയില്‍ ഉള്‍പ്പെടുത്തി പണി പൂര്‍ത്തിയാക്കിയ ചുഴലി ഗവ. എല്‍.പി സ്‌കൂളിലെ പ്രവേശന കവാടം, കുട്ടികളുടെ പാര്‍ക്ക്, ശലഭോദ്യാനം എന്നിവ പഞ്ചായത്ത് പ്രസിഡന്റ് കെ.പി പ്രദീഷ് ഉദ്ഘാടനം ചെയ്തു. ആരോഗ്യ -വിദ്യാഭ്യാസ സ്റ്റാന്‍ഡിംഗ് കമ്മറ്റി ചെയര്‍മാന്‍ എം.കെ അശോകന്‍ അധ്യക്ഷനായി. കെ.കെ ബിജേഷ്, വി.പി ശശിധരന്‍, ഹെഡ്മാസ്റ്റര്‍ ടി.പി അഹമ്മദ്, പി. പി മനോജ് , പിടിഎ പ്രസിഡന്റ് കെ.പി പ്രകാശന്‍, പഞ്ചായത്ത് സെക്രട്ടറി കെ. വിനോദ് കൃഷ്ണന്‍ തുടങ്ങിയവര്‍ സംസാരിച്ചു. ചടങ്ങില്‍ എല്‍എസ്എസ് ജേതാക്കളെ ആദരിച്ചു.
