വയനാട് ജില്ലാ ലൈബ്രറി കൗണ്‍സില്‍ ബാലവേദി സംഘടിപ്പിക്കുന്ന കുട്ടികളുടെ ജില്ലാതല കലാ-സാഹിത്യ മത്സരം ‘അക്ഷരോത്സവം’ മെയ് 29 ന് മാനന്തവാടി ഗവ: യു. പി. സ്‌ക്കൂളില്‍ നടക്കും. ജില്ലാ പഞ്ചായത്ത് പ്രസിഡന്റ് സംഷാദ് മരക്കാര്‍ കലോത്സവം ഉദ്ഘാടനം ചെയ്യും. മാനന്തവാടി നഗരസഭാ ചെയര്‍പേഴ്‌സണ്‍ കെ.രത്‌നവല്ലി, ബ്ലോക്ക് പഞ്ചായത്ത് പ്രസിഡന്റ് ജസ്റ്റിന്‍ ബേബി തുടങ്ങിയവര്‍ പങ്കെടുക്കും. താലൂക്ക്തല മത്സരത്തില്‍ വിജയിച്ചവരാണ് ജില്ലാതലത്തില്‍ മത്സരിക്കുന്നത്. യു. പി., ഹൈസ്‌ക്കൂള്‍ വിഭാഗങ്ങള്‍ക്കായി 14 ഇനങ്ങളില്‍ മത്സരങ്ങളുണ്ടാകും.
