പത്തനംതിട്ടയിൽ ഇന്നലെയും ഇന്നുമായി ഇതുവരെ വീടുകളിൽ കുടുങ്ങിയ 6050 പേരെ രക്ഷപ്പെടുത്തി സുരക്ഷിത സ്ഥാനത്തെത്തിച്ചു. 50 ലധികം ബോട്ടുകൾ രക്ഷാപ്രവർത്തനം തുടരുകയാണ്. ആറൻമുള കോഴഞ്ചേരി ഭാഗത്തു നിന്നാണ് കൂടുതൽ പേരെ രക്ഷിച്ചത്. റാന്നിയിൽ വെള്ളം ഇറങ്ങിത്തുടങ്ങിയിട്ടുണ്ട്. നിലവിൽ തിരുവല്ല ഭാഗത്താണ് വെള്ളം ഭീഷണിയുയർത്തുന്നത്. അപ്പർകുട്ടനാട്ടിൽ ജലനിരപ്പ് ഉയരുകയാണ്. തിരുവല്ലയിൽ 550 ലൈഫ് ജാക്കറ്റുകൾ എയർഡ്രോപ്പ് ചെയ്തിട്ടുണ്ട്. ആറൻമുളയിലും കോഴഞ്ചേരിയിലും ഭക്ഷണവും എയർഡ്രോപ്പ് ചെയ്തിട്ടുണ്ട്.