ഓണത്തോടനുബന്ധിച്ച് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ 100 പ്രവർത്തി ദിനങ്ങൾ പൂർത്തിയാക്കിയ ആലത്തൂർ ബ്ലോക്ക് പഞ്ചായത്തിലെ എല്ലാ തൊഴിലുറപ്പ് തൊഴിലാളികൾക്കും 1000 രൂപ ഉത്സവബത്ത. ബ്ലോക്ക്‌ പഞ്ചായത്തിന് കീഴിലെ എട്ട് ഗ്രാമപഞ്ചായത്തുകളിലെ 849 പേർക്കാണ് ആനുകൂല്യം ലഭിക്കുന്നത്. ഇതിൽ 848 കുടുംബങ്ങൾക്ക് ബാങ്ക് അക്കൗണ്ടിലേക്ക് തുക കൈമാറിയതായി സെക്രട്ടറി അറിയിച്ചു.