കൗണ്സിലര്, വാച്ചര് നിയമനം
വനിതാ ശിശു വികസന വകുപ്പിന്റെ സാമ്പത്തിക സഹായത്തോടെ മാനന്തവാടി ശാന്തിനഗറില് പ്രവര്ത്തിക്കുന്ന വനിതാ ഷെല്ട്ടര് ഹോമില് കൗണ്സിലര്, വനിത വാച്ചര് ഒഴിവുകളിലേക്ക് അപേക്ഷ ക്ഷണിച്ചു. കൗണ്സിലര്ക്ക് എം. എസ് ഡബ്ല്യു (മെഡിക്കല് ആന്ഡ് സൈക്യാട്രി)യും വാച്ചര്ക്ക് എട്ടാം ക്ലാസുമാണ് വിദ്യാഭ്യാസ യോഗ്യത. പ്രായം 35 നും 58 നും ഇടയില്. യോഗ്യതയുള്ളവര് അപേക്ഷകള് സൂപ്രണ്ട്, ഷെല്ട്ടര്ഹോം, ആറാട്ടുത്തറ പി.ഒ, മാനന്തവാടി എന്ന വിലാസത്തിലോ pkvs2012@gmail.com എന്ന വിലാസത്തിലോ സെപ്തംബര് 24 ന് നകം സമര്പ്പിക്കണം. ഫോണ് 9496103165.
അങ്കണ്വാടി വര്ക്കര് നിയമനം
സുല്ത്താന് ബത്തേരി ഐസിഡിഎസ് പ്രൊജക്ട് പരിധിയിലെ നൂല്പ്പുഴ, മീനങ്ങാടി, സുല്ത്താന് ബത്തേരി നഗരസഭ എന്നീ തദ്ദേശ സ്വയംഭരണ സ്ഥാപനങ്ങളിലെ അങ്കണ്വാടി വര്ക്കര്/ഹെല്പ്പര് തസ്തികയിലേക്ക് അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി ഒക്ടോബര് 7. കൂടുതല് വിവരങ്ങള് ഐ.സി.ഡി.എസ് സുല്ത്താന് ബത്തേരി ഓഫീസില് ലഭിക്കും. ഫോണ്: 04936 222 844, 9188959885.
ട്രേഡ്സ്മാന് നിയമനം
മീനങ്ങാടി ഗവ. പോളിടെക്നിക്ക് കോളേജില് 2022-23 അധ്യയന വര്ഷത്തില് ഇലക്ട്രോണിക്സ് എഞ്ചിനീയറിംഗ് വകുപ്പിലെ ട്രേഡ്സ്മാന് തസ്തികയിലേക്ക് താല്ക്കാലിക നിയമനം നടത്തുന്നു. ബന്ധപ്പെട്ട വിഷയത്തില് ഐ.ടി.ഐ/ടി.എച്ച്.എസ് .എല്.സി/വി.എച്ച്.എസ്.സി.ഇ/ എന്.ടി.സി യോഗ്യതയുള്ളവര്ക്ക് അപേക്ഷിക്കാം. എഴുത്ത് പരീക്ഷയുടെയും ഇന്റര്വ്യൂവിന്റെയും അടിസ്ഥാനത്തിലാണ് നിയമനം. ഉദ്യോഗാര്ത്ഥികള് യോഗ്യത തെളിയിക്കുന്ന അസ്സല് സര്ട്ടിഫിക്കറ്റുകളടക്കം സെപ്റ്റംബര് 16 ന് രാവിലെ 10 ന് ഓഫീസില് ഹാജരാകണം. ഫോണ്: 04936 247420.