ഏറാമല ഗ്രാമപഞ്ചായത്തിന്റെ നേതൃത്വത്തിൽ പ്രവർത്തിക്കുന്ന ഹരിത കർമ്മസേന മാലിന്യ സംസ്ക്കരണ പ്ലാന്റിൽ ബൈലിംഗ് മെഷീൻ സ്ഥാപിച്ചു. മെഷീനിന്റെ സ്വിച്ച് ഓൺ കർമ്മം പഞ്ചായത്ത്‌ പ്രസിഡന്റ് ഷക്കീല ഈങ്ങോളി നിർവ്വഹിച്ചു. ഹരിത കർമ്മ സേനയുടെ പ്രവർത്തനം വിപുലീകരിക്കുന്നതിനായി ശുചിത്വ ഗ്രാമം പദ്ധതി മുഖേനയാണ് ബൈലിംഗ് മെഷീൻ വാങ്ങി നൽകിയത്.
ചടങ്ങിൽ പഞ്ചായത്ത്‌ വൈസ് പ്രസിഡന്റ് ദീപുരാജ് അധ്യക്ഷത വഹിച്ചു. ആരോഗ്യ സ്റ്റാന്റിങ് കമ്മിറ്റി ചെയർപേഴ്സൻ ജസീല വി.കെ, മാലിന്യസംസ്ക്കരണ ഉപസമിതി ചെയർമാൻ ഷുഹൈബ് കുന്നത്ത്, പഞ്ചായത്ത്‌ അംഗങ്ങളായ ടി.എൻ റഫീഖ്, രതീഷ് ജി, വി.ഇ.ഒ മാരായ രേഷ്മ, ജോസഫൈൻ ഹരിതസേനാംഗങ്ങൾ തുടങ്ങിയവർ പങ്കെടുത്തു.