മാനന്തവാടി ബ്ലോക്ക് പഞ്ചായത്ത് പരിധിയിലെ അഞ്ച് പഞ്ചായത്തുകളിലെ ഹരിത കര്‍മ്മസേനാംഗങ്ങളുടെ സംഗമം മാനന്തവാടി കരുണാകരന്‍ മെമ്മോറിയല്‍ ഹാളില്‍ നടന്നു. മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിന്‍ ബേബി സംഗംമം ഉദ്ഘാടനം ചെയ്തു. മാനന്തവാടി ബ്ലോക്ക് പഞ്ചായത്ത് വൈസ് പ്രസിഡന്റ് എ.കെ. ജയഭാരതി അധ്യക്ഷത വഹിച്ചു. ബ്ലോക്ക് പഞ്ചായത്ത് പരിധിയിലെ തിരുനെല്ലി, തവിഞ്ഞാല്‍, വെള്ളമുണ്ട, എടവക, തൊണ്ടര്‍നാട് എന്നീ പഞ്ചായത്തുകളിലെ ഹരിത കര്‍മ്മ സേനാംഗങ്ങളുടെ സംഗമമാണ് നടത്തിയത്. ബ്ലോക്ക് പഞ്ചായത്ത് ആരോഗ്യകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ പി. കല്യാണി, ബ്ലോക്ക് പഞ്ചായത്ത് ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ ജോയ്സി ഷാജു, പി. ചന്ദ്രന്‍, പി.കെ. അമീന്‍, രമ്യാ താരേഷ്, വി. ബാലന്‍, ബി.എം വിമല, അസീസ് വാളാട്, സല്‍മാ മൊയിന്‍, ഹരിതകര്‍മ്മസേന ജില്ലാ കോര്‍ഡിനേറ്റര്‍ കെ. അനൂപ്, ഹരിതകേരള മിഷന്‍ റിസേഴ്സ് പേഴ്സണ്‍ എം.ആര്‍. പ്രഭാകരന്‍, ഗ്രാമ പഞ്ചായത്ത് ജനപ്രതിനിധികള്‍, അസി. സെക്രട്ടറിമാര്‍ തുടങ്ങിയവര്‍ സംസാരിച്ചു.
