അന്താരാഷ്ട്ര ദുരന്ത നിവാരണ ലഘൂകരണം ദിനാചരണത്തോടനുബന്ധിച്ച് സംസ്ഥാന ദുരന്ത നിവാരണ പരിശീലന കേന്ദ്രം (ഐ.എൽ.ഡി.എം) ഉരുൾപൊട്ടൽ ദുരന്ത ആഘാത ലഘൂകരണം എന്ന വിഭഷയത്തിൽ സംഘടിപ്പിക്കുന്ന ദ്വദിന ശില്പശാല ഇന്നും നാളെയും (വെള്ളി, ശനി) തിരുവനന്തപുരം പി.ടി.പി നഗറിലുള്ള ഐ.എൽ.ഡി.എം. കാമ്പസിൽ നടക്കും.
കേരളത്തിലെ വ്യത്യസ്ത പ്രദേശങ്ങളിലും ഇന്ത്യയിലെ വിവിധ ഭാഗങ്ങളിലും സമാന ഭൂപ്രക്യതിയുള്ള ലോകത്തെ മറ്റു പ്രദേശങ്ങളിലും നടന്നിട്ടുള്ള ഉരുൾപൊട്ടലുകളെക്കുറിച്ച് പഠനങ്ങൾ നടത്തിയ ശാസ്ത്രജ്ഞരും അക്കാദമിക വിദഗ്ധരും പ്രൊഫഷണലുകളും ശില്പശാലയിൽപ്രബന്ധങ്ങൾ അവതരിപ്പിക്കും.
ഇന്ന് (14-10-22) രാവിലെ 10 ന് നടക്കുന്ന യോഗത്തിൽ ഡോ. മുരളീ തുമ്മുരുകുടി മുഖപ്രഭാഷണം നടത്തും. റവന്യൂ അഡീഷണൽ ചീഫ് സെക്രട്ടറി ഡോ. എ. ജയതിലക്, ഐ.എൽ.ഡി.എം. ഡയറക്ടർ ഡോ. ഡി. സജിത്ബാബു എന്നിവർ സംസാരിക്കും.
ഇന്ന് രാവിലെ 11 ന് ആരംഭിക്കുന്ന സാങ്കേതിക സെഷനിൽ നാഷണൽ ഇൻസ്റ്റിറ്റ്യൂട്ട് ഓഫ് ഡിസാസ്റ്റർ മാനേജ്‌മെന്റിലെ പ്രൊഫ. സൂര്യപ്രകാശ് മുഖ്ര്യപ്രഭാഷണം ഓൺലൈനായി നിർവഹിക്കും. ഡോ. ജോയ്‌സ് കെ ജോസഫ് (ലയോള കോളെജ്), ഡോ. ഇ. ഷാജി (ജിയോളജി വകുപ്പ്, കേരള സർവകലാശാല), മിസ്. ഹിൽമ ഇസ്രയേൽ (നമീബിയ), ക്യഷി വകുപ്പ് ഡയറക്ടർ ടി.വി. സുഭാഷ്, ഡെറിക് മാമിവ (മലാവി യൂണിവേഴ്‌സിറ്റി), ഡോ. ശ്രീകുമാർ ചതോപാധ്യായ, എം. അമൽരാജ് (ഐ.എൽ.ഡി.എം)
ബയോഡൈവേഴ്‌സിറ്റി ബോർഡ് ചെയർമാൻ ഡോ. സി. ജോർജ് തോമസ്, കാലാസ്ഥ നിരീക്ഷണ വകുപ്പ് ശാസ്ത്രജ്ഞൻ പി.എസ്. ബിജു, ആലപ്പുഴ മണ്ണു പരിശോധന കേന്ദ്രത്തിലെ സീനിയർ കെമിസ്റ്റ് ശ്രീകല എൻ.വി, ടാനിയ മാത്യു (ഗവ. കോളെജ്, കോട്ടയം), ഗായത്രി സി.എസ് (മദ്രാസ് യുണിവേഴ്‌സിറ്റി), മുൻ അഡീഷണൽ ചീഫ് സെക്രട്ടറി നിവേദിത പി ഹരൻ, വ്യന്ദാ നാഥ് (യുഎൻഡിപി) ഡോ. സിനു സൂസൻ തോമസ് (ഡിജിറ്റൽ യൂണിവേഴ്‌സിറ്റി), സനൂപ് സലാം (ഗവ. കോളെജ്, കോട്ടയം), ഡോ. കരുണുകരൻ അഖിൽദേവ് (ഡിഡിഎംഎ, വയനാട്), ശ്രീലക്ഷ്മി എസ് (കേരള സർവകലാശാല), ജോൺ മത്തായി (റിട്ട. സയന്റിസ്റ്റ്), സുധിബ്രതാ റോയ് (ജിയോളജിക്കൽ സർവെ), ഡോ. സജിൻ കുമാർ (കേരള സർവകലാശാല), ഡോ. കെ.ജി താര, ഡോ. ധനലക്ഷ്മി ശിവാനി (റവന്യു വകുപ്പ്), എ. നിസാമുദ്ദീൻ (ലാൻഡ് യൂസ് ജോർഡ്) തുടങ്ങിയഒക്ത പ്രബന്ധങ്ങൾ അവതരിപ്പിക്കും.
അന്താരാഷ്ട്ര ശിൽപശാലയുടെ ഔപചാരിക ഉദ്ഘാടനം റവന്യു മന്ത്രി കെ. രാജൻ ഉച്ചക്ക് 2.30 ന് നിർവഹിക്കും. ചടങ്ങിൽ വി .കെ. പ്രശാന്ത് എം.എൽ.എ അധ്യക്ഷത വഹിക്കും. ലാൻഡ് റവന്യു കമ്മീഷണർ കെ.ബിജു മുഖ്യപ്രഭാഷണം നടത്തും.