പറമ്പിന്റെ മുകൾ – കൂനഞ്ചേരിമുക്ക് റോഡ്, കനാൽ റോഡ് എന്നിവ അഡ്വ.കെ.എം സച്ചിൻദേവ് എം.എൽ.എ ഉദ്ഘാടനം ചെയ്തു. ജില്ലാ പഞ്ചായത്ത് 2021-22 ജനകീയാസൂത്രണ പദ്ധതി വർഷത്തിലെ ഫണ്ടായ 77 ലക്ഷം രൂപ വിനിയോ​ഗിച്ചാണ് രണ്ട് റോഡുകളുടെയും നിർമ്മാണം പൂർത്തീകരിച്ചത്. ജില്ലാപഞ്ചായത്ത് സ്ഥിരം സമിതി അധ്യക്ഷ കെ.വി റീന അധ്യക്ഷത വ​​ഹിച്ചു.

ജില്ലാ പഞ്ചായത്ത് പ്രസി‍ഡന്റ് ഷീജ ശശി, ബ്ലോക്ക് പഞ്ചായത്ത് പ്രസിഡന്റ് വി.കെ അനിത, ​ഗ്രാമപഞ്ചായത്ത് പ്രസിഡന്റ് രൂപലേഖ കൊമ്പിലാട്, ബ്ലോക്ക് പഞ്ചായത്ത് അം​ഗം രാജീവൻ സി.കെ, ​ഗ്രാമപഞ്ചായത്ത് അം​ഗം സജിന.കെ, വാർഡ് കൺവീനർ അഹമ്മദ് മാസ്റ്റർ, ജനപ്രതിനിധികൾ, രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുത്തു. ജില്ലാപഞ്ചായത്ത് അം​ഗം പി.പി പ്രേമ സ്വാ​ഗതവും റോഡ് കമ്മിറ്റി കൺവീനർ എം.എം രാജൻ നന്ദിയും പറഞ്ഞു.