പനമരം ബ്ലോക്ക് പഞ്ചായത്തും, കയര്‍ പ്രോജക്ട് ഓഫീസ് കോഴിക്കോടും സംയുക്തമായി ഗ്രാമ, ബ്ലോക്ക് പഞ്ചായത്ത് ജനപ്രതിനിധികള്‍ക്കും ഉദ്യോഗ സ്ഥര്‍ക്കുമായി തൊഴിലുറപ്പ് പദ്ധതിയും – കയര്‍ ഭൂവസ്ത്ര വിനിയോഗവും എന്ന വിഷയത്തില്‍ ഏകദിന ശില്പശാല സംഘടിപ്പിച്ചു. പനമരം ബ്ലോക്ക് പഞ്ചായത്ത് പ്രസിഡന്റ് ഗിരിജാ കൃഷ്ണന്‍ ശില്പശാല ഉദ്ഘാടനം ചെയ്തു. ബ്ലോക്ക് പഞ്ചായത്ത് വൈസ് പ്രസിഡണ്ട് അബ്ദുള്‍ ഗഫൂര്‍ കാട്ടി അദ്ധ്യക്ഷത വഹിച്ചു. കയര്‍ പ്രോജക്ട് ഓഫീസര്‍ പി. ശശികുമാര്‍, പൂതാടി ഗ്രാമ പഞ്ചായത്ത് പ്രസിഡന്റ് മേഴ്സി സാബു, കണിയാമ്പറ്റ ഗ്രാമ പഞ്ചാ യത്ത് പ്രസിഡണ്ട് കമല രാമന്‍, മുള്ളന്‍ കൊല്ലി ഗ്രാമ പഞ്ചായത്ത് പ്രസിഡണ്ട് പി.കെ.വിജയന്‍, പുല്‍പ്പള്ളി ഗ്രാമ പഞ്ചായത്ത് പ്രസിഡണ്ട് ടി. എസ്. ദിലീപ് കുമാര്‍, പനമരം ഗ്രാമ പഞ്ചായത്ത് വൈസ് പ്രസിഡണ്ട് തോമസ് പാറക്കാലയില്‍, പനമരം ബ്ലോക്ക് ഡവലപ്പ്മെന്റ് ഓഫീസര്‍ കെ. ഷീബ തുടങ്ങിയവര്‍ സംസാരിച്ചു. കയര്‍ ഭൂവസ്ത്ര വിതാനം – സാങ്കേതിക വശങ്ങള്‍ എന്ന വിഷയത്തില്‍ ടെക്നിക്കല്‍ കണ്‍സള്‍ട്ടന്റ ആര്‍. അശ്വിന്‍, തൊഴിലുറപ്പ് പദ്ധതി പ്രായോഗിക സമീപനം – നിര്‍വ്വഹണ തന്ത്രം എന്ന വിഷയത്തില്‍ പ്രീതി മേനോന്‍ എന്നിവര്‍ ക്ലാസ്സെടുത്തു. ഏറ്റവും കൂടുതല്‍ കയര്‍ ഭൂവസ്ത്രം വാങ്ങിയ പനമരം ഗ്രാമ പഞ്ചായത്ത് ഭരണ സമിതിക്കുള്ള ഉപഹാരവും ചടങ്ങില്‍ വിതരണം ചെയ്തു.
