മുഖ്യമന്ത്രിയുടെ ദുരിതാശ്വാസനിധിയിലേക്ക് അദാനി ഫൗണ്ടേഷൻ 50 കോടി രൂപ നൽകും. ഇതിന്റെ ആദ്യ ഗഡുവായ 25 കോടി രൂപ അദാനി വിഴിഞ്ഞം പോർട്‌സ് സി.ഇ.ഒ രാജേഷ് ഝാ മുഖ്യമന്ത്രി പിണറായി വിജയന് കൈമാറി.

ബാക്കി തുക പുനരധിവാസത്തിനും പുനർനിർമാണത്തിനുമായി നൽകും. അദാനി ഗ്രൂപ്പിലെ ജീവനക്കാരുടെ ഒരു ദിവസത്തെ വേതനവും ദുരിതാശ്വാസത്തിനായി നൽകിയിട്ടുണ്ട്. ഇതിനുപുറമേ, ദുരന്തമേഖലകളിൽ ആശ്വാസനടപടികൾക്കായും അദാനി ഗ്രൂപ്പ് രംഗത്തുണ്ട്. ഭക്ഷണമെത്തിക്കൽ, മൊബൈൽ ഹെൽത്ത് കെയർ വാൻ തുടങ്ങിയ സേവനങ്ങൾ ഗ്രൂപ്പ് നൽകിവരുന്നുണ്ട്.