കുടുംബശ്രീയുടെ നേതൃത്വത്തില്‍ നടത്തുന്ന ജില്ലാതല ബഡ്സ് സ്‌കൂള്‍ കലോത്സവം ‘മിഴി’ ഇന്ന് (ശനി) മാനന്തവാടി ഗവണ്‍മെന്റ് കോളേജില്‍ നടക്കും. കലോത്സവം ഒ.ആര്‍ കേളു എം.എല്‍.എ ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡണ്ട് ജസ്റ്റിന്‍ ബേബി അധ്യക്ഷത വഹിക്കും. എടവക പഞ്ചായത്ത് പ്രസിഡണ്ട് എച്ച്.ബി പ്രദീപ് ചടങ്ങില്‍ മുഖ്യാ തിഥിയാകും. ലളിതഗാനം, നാടന്‍പാട്ട്, മിമിക്രി, നാടോടി നൃത്തം, പ്രച്ഛന്ന വേഷം, സംഘനൃത്തം, ഒപ്പന എന്നീ സ്റ്റേജ് മത്സരങ്ങളും പെന്‍സില്‍ ഡ്രോയിംഗ്, പെയിന്റിംഗ്, എംബോസ് പെയിന്റിംഗ് എന്നീ മത്സരങ്ങളും കലോത്സവത്തിന്റെ ഭാഗമായി നടക്കും.
