ബാലുശ്ശേരി ഗ്രാമപഞ്ചായത്തിലെ ആയുഷ് ഹെൽത്ത് ആന്റ് വെൽനസ് സെന്ററുമായ കോക്കല്ലൂർ ഗവൺമെൻറ് ഹോമിയോ ഡിസ്പെൻസറിയിൽ സൗജന്യ യോഗ പരിശീലനം ആരംഭിച്ചു. ഗ്രാമപഞ്ചായത്ത് പ്രസിഡൻറ് രൂപലേഖ കൊമ്പിലാട് പരിശീലന പരിപാടി ഉദ്ഘാടനം ചെയ്തു. ജനറൽ യോഗ പരിശീലനം, യോഗ തെറാപ്പി എന്നിവ ലഭ്യമാകും. സേവനം ആവശ്യമുള്ളവർ ഡിസ്പെൻസറി ഒ.പി യിൽ രജിസ്റ്റർ ചെയ്യണം.
വൈസ് പ്രസിഡൻറ് അസൈനാർ എമ്മച്ചം കണ്ടി അധ്യക്ഷനായി. സ്ഥിരം സമിതി അധ്യക്ഷരായ ഉമ മഠത്തിൽ, പി.എൻ അശോകൻ, എം. ശ്രീജ, ജനപ്രതിനിധികളായ ഇന്ദിര, അനൂജ, ശിഖ, മെഡിക്കൽ ഓഫീസർ ഡോ.തൻസീറ, യോഗ ഇൻസ്ട്രക്ടർ ഡോ. ദിവ്യശ്രീ, എച്ച്.എം.സി അംഗങ്ങൾ തുടങ്ങിയവർ പങ്കെടുത്തു.