പേരാമ്പ്ര ഗ്രാമപഞ്ചായത്ത് ഓഫീസിന് അനുബന്ധമായുള്ള സ്വരാജ്ഭവൻ കെട്ടിടം ടി.പി. രാമകൃഷ്ണൻ എം.എൽ.എ നാടിന് സമർപ്പിച്ചു. മൂന്ന് നിലകളിലായി നവീന മാതൃകയിലാണ് കെട്ടിടം പണി കഴിപ്പിച്ചത്. മുൻ എം.എൻ.എ കെ.കുഞ്ഞമ്മദ് മാസ്റ്ററുടെ ആസ്തി വികസന ഫണ്ടിൽ നിന്നനുവദിച്ച ഒരു കോടി രൂപ ചെലവഴിച്ചാണ് നിർമ്മാണം പൂർത്തിയാക്കിയത്. സ്വരാജ് ഭവൻ യാഥാർത്ഥ്യമായതോടെ പഞ്ചായത്തിലെത്തുന്നവർക്ക് കൂടുതൽ സൗകര്യത്തോടെ സേവനങ്ങൾ ലഭ്യമാക്കാൻ സാധിക്കും.
ചടങ്ങിൽ പേരാമ്പ്ര പഞ്ചായത്ത് പ്രസിഡന്റ് വി.കെ പ്രമോദ് അധ്യക്ഷത വഹിച്ചു. പേരാമ്പ്ര ബ്ലോക്ക് പഞ്ചായത്ത് പ്രസിഡന്റ് എൻ.പി ബാബു, മുൻ എം.എൽ.എ കെ.കുഞ്ഞമ്മദ് മാസ്റ്റർ, ജില്ലാ പഞ്ചായത്തംഗം സി.എം ബാബു, പഞ്ചായത്ത് വൈസ് പ്രസിഡന്റ് കെ.എം റീന ബ്ലോക്ക് പഞ്ചായത്ത് സ്ഥിരം സമിതി അധ്യക്ഷന്മാരായ ശശികുമാർ പേരാമ്പ്ര, കെ പ്രിയേഷ്, ശ്രീലജ പുതിയേടത്ത്, മിനി പൊൻപറ, ബോക്ക് – ഗ്രാമ പഞ്ചായത്ത് അംഗങ്ങൾ, സെക്രട്ടറി എൽ.എൻ ഷിജു, സിഡിഎസ് ചെയർപേഴ്സൺ ജിജി എന്നിവർ സംസാരിച്ചു.