ജില്ലാ ഇൻഫർമേഷൻ ഓഫീസിന്റെ ആഭിമുഖ്യത്തിൽ നടത്തിയ ലോകകപ്പ് ഫുട്ബോൾ പ്രവചന മത്സര വജിയികൾക്കുള്ള സമ്മാനദാനം ജനുവരി 17 ന് (ചൊവ്വ) ജില്ലാ ആസൂത്രണ സമിതി കോൺഫറൻസ് ഹാളിൽ നടക്കും. രാവിലെ 9.30 നടക്കുന്ന ചടങ്ങിൽ പി.ഉബൈദുള്ള എം.എൽ.എ സമ്മാനങ്ങൾ വിതരണം ചെയ്യും. ജില്ലാ പഞ്ചായത്ത് പ്രസിഡന്റ് എം.കെ റഫീഖ അധ്യക്ഷത വഹിക്കും. പ്രകാശ് കോട്ടയ്ക്കൽ, കൃഷ്ണകുമാർ, സർഫാൻ കോട്ടയ്ക്കൽ, മുഹമ്മദ് ഷാസിൻ എന്നിവരാണ് പ്രവചന മത്സര ജേതാക്കൾ.

ജില്ലാ ഇൻഫർമേഷൻ ഓഫീസർ പി. റഷീദ് ബാബു, ജില്ലാ സാക്ഷരതാ മിഷൻ കോ ഓർഡിനേറ്റർ സി. അബ്ദുൽ റഷീദ്, ജില്ലാ ഇൻഫർമേഷൻ ഓഫീസ് അസിസ്റ്റന്റ് എഡിറ്റർ ഐ.ആർ പ്രസാദ്, അസിസ്റ്റന്റ് ഇൻഫർമേഷൻ ഓഫീസർ എം.പി അബ്ദുറഹ്‌മാൻ ഹനീഫ് എന്നിവർ പങ്കെടുക്കും. തുടർന്ന് നടക്കുന്ന ലഹരി വിരുദ്ധ ബോധവത്കരണ ക്ലാസിന് നശാമുക്ത് ഭാരത് അഭിയാൻ ജില്ലാ കോ ഓർഡിനേറ്റർ ബി. ഹരികുമാർ നേതൃത്വം നൽകും.