ടെണ്ടർ ക്ഷണിച്ചു
വനിതാ ശിശു വികസന വകുപ്പ് പന്തലായനി അഡീഷണൽ ഐസിഡിഎസ് അങ്കണവാടി കണ്ടിൻജൻസി (അഡ്മിനിസ്ട്രേറ്റീവ് എക്സ്പെൻസ് )സാധനങ്ങൾ അങ്കണവാടികളിൽ വിതരണം ചെയ്യുന്നതിന് താല്പര്യമുള്ള വ്യക്തികളിൽ/സ്ഥാപനങ്ങളിൽ നിന്നും മത്സരാധിഷ്ഠിത ടെണ്ടർ ക്ഷണിച്ചു. സാധനങ്ങൾ വാങ്ങുന്നത്
അങ്കണവാടി ഒന്നിന് 2000/ രൂപ നിരക്കിൽ. സപ്ലൈ ഓർഡർ ലഭിച്ച് 15 ദിവസത്തിനകം സെക്ടർ ഹെഡ് ക്വർട്ടർ അങ്കണവാടികളിലേക്ക് സാധനങ്ങൾ ഇറക്കേണ്ടതാണ്. അടങ്കൽ തുക ഒരു ലക്ഷത്തി തൊണ്ണൂറ്റി ആറായിരം രൂപ.
ടെണ്ടർ ഫോമിന്റെ വില അടങ്കൽ തുകയുടെ 02 ശതമാനം (18% ജി എസ് ടി). ടെണ്ടർ വിതരണം ചെയ്യുന്ന തിയ്യതി ജനുവരി 27 ന് ഉച്ചയ്ക്ക് 12 മണി. അന്നേദിവസം1.30ന് ടെണ്ടർ സ്വീകരിക്കും. ഉച്ചയ്ക്ക് രണ്ടുമണിക്ക് ടെണ്ടർ തുറക്കും. ടെണ്ടർ അയക്കേണ്ട വിലാസം ശിശുവികസന പദ്ധതി ഓഫീസർ, പന്തലായനി അഡീഷണൽ ഐസിഡിഎസ്, കൊയിലാണ്ടി പി ഒ. കൂടുതൽ വിവരങ്ങൾക്ക്: 8157807752 ,0496 – 2621190
ടെണ്ടർ ക്ഷണിച്ചു
കോഴിക്കോട് റൂറൽ ശിശു വികസന ഓഫീസിലേക്ക് 2022 -23 വർഷത്തെ അങ്കണവാടി കണ്ടിൻജൻസി സാധനങ്ങൾ വിതരണം ചെയ്യുന്നതിന് വ്യക്തികളിൽ നിന്നും സ്ഥാപനങ്ങളിൽ നിന്നും മുദ്രവച്ച ടെണ്ടർ ക്ഷണിച്ചു. ഒരു അങ്കണവാടിക്ക് 2000 രൂപ നിരക്കിൽ 180 അങ്കണവാടികൾക്കാണ് കണ്ടിൻജൻസി സാധനങ്ങൾ വിതരണം ചെയ്യേണ്ടത്. ടാക്സ് ഉൾപ്പെടെ സാധനങ്ങൾ അങ്കണവാടികളിൽ എത്തിക്കുന്നതിനുള്ള തുകയാണ് ടെണ്ടറിൽ രേഖപ്പെടുത്തേണ്ടത്. അങ്കണവാടി കണ്ടിൻജൻസിയിൽ ഉൾപ്പെട്ട സാധനങ്ങളുടെ വിശദാംശങ്ങൾ ഓഫീസിൽ ലഭ്യമാണ്. ടെണ്ടർ ഫോറത്തിന്റെ വില 800+ജിഎസ്ടി. ടെണ്ടർ ഫോറത്തിന്റെ വില്പന ജനുവരി 20 മുതൽ ആരംഭിക്കും. ടെണ്ടർ സമർപ്പിക്കേണ്ട അവസാന തിയ്യതി ജനുവരി 21 ഉച്ചയ്ക്ക് രണ്ടു മണി. അന്നേദിവസം 3.30 ന് ടെണ്ടർ തുറക്കും. കൂടുതൽ വിവരങ്ങൾക്ക് കോഴിക്കോട് ബ്ലോക്ക് ഓഫീസ് കോമ്പൗണ്ടിൽ പ്രവർത്തിക്കുന്ന ഐസിഡിഎസ് ഓഫീസുമായി ബന്ധപ്പെടണം. ഫോൺ :0495 2966305
അപേക്ഷ തിയ്യതി നീട്ടി
പിന്നോക്ക വിഭാഗത്തിൽപ്പെട്ട ഉദ്യോഗാർത്ഥികൾക്ക് കേന്ദ്ര-സംസ്ഥാന സർവീസിലും പൊതുമേഖലാ സ്ഥാപനങ്ങളിലും ജോലി ലഭിക്കുന്നതിനുള്ള വിവിധ മത്സര പരീക്ഷ പരിശീലനങ്ങൾക്ക് പിന്നോക്ക വിഭാഗ വികസന വകുപ്പ് ധനസഹായം നൽകുന്ന എംപ്ലോയബിലിറ്റി എൻഹാൻസ്മെന്റ് പ്രോഗ്രാം പദ്ധതിക്ക് അപേക്ഷ സമർപ്പിക്കുന്നതിനുള്ള അവസാന തിയ്യതി ജനുവരി 20 വരെ നീട്ടിയതായി ഡെപ്യൂട്ടി ഡയറക്ടർ അറിയിച്ചു. കൂടുതൽ വിവരങ്ങൾക്ക് www.bcddkerala.gov.in എന്ന വെബ്സൈറ്റ് സന്ദർശിക്കുക. 0495 2377786 ,2377796
അപേക്ഷ ക്ഷണിച്ചു
കേരള കയർ തൊഴിലാളി ക്ഷേമനിധി ബോർഡിൽ അംഗത്വമുളള തൊഴിലാളികളുടെ മക്കൾക്ക് 2022-23 വർഷത്തെ വിദ്യാഭ്യാസ ധനസഹായത്തിന് അപേക്ഷ ക്ഷണിച്ചു. കയർ തൊഴിലാളി ക്ഷേമനിധിയിൽ അംഗത്വമെടുത്ത് മെയ് 31നു രണ്ടു വർഷം പൂർത്തീകരിച്ച് കുടിശ്ശിക കൂടാതെ വിഹിതം അടച്ചു വരുന്ന തൊഴിലാളികളുടെ മക്കൾക്കാണ് ധനസഹായത്തിന് അർഹതയുളളത്. കേരളത്തിലെ ഗവ.അംഗീകൃത സ്ഥാപനങ്ങളിൽ ഫുൾ ടൈം കോഴ്സുകളിൽ ഡിഗ്രി, പി.ജി, പ്രൊഫഷണൽ കോഴ്സുകൾ, പോളിടെക്നിക്, എഞ്ചിനീയറിംഗ്, മെഡിസിൻ, അഗ്രികൾച്ചർ, നേഴ്സിംഗ്, പാരാമെഡിക്കൽ കോഴ്സുകളിൽ ഉപരിപഠനം നടത്തുന്നതിനാണ് ധനസഹായം അനുവദിച്ചത്. അപേക്ഷ ഫോറം10 രൂപ നിരക്കിൽ ബോർഡിന്റെ എല്ലാ ഓഫീസുകളിലും ലഭിക്കും. അപേക്ഷ ജനുവരി 31 വരെ സ്വീകരിക്കുന്നതാണെന്ന് ചീഫ് എക്സിക്യൂട്ടീവ് ഓഫീസർ അിറയിച്ചു. കൂടുതൽ വിവരങ്ങൾക്ക് :0477-2251577
കൂടിക്കാഴ്ച നടത്തുന്നു
ജില്ലാ ആയുർവേദ ആശുപത്രിയിൽ ഹോസ്പിറ്റൽ മാനേജ്മെന്റ് കമ്മിറ്റി മുഖേന ദിവസ വേതന അടിസ്ഥാനത്തിൽ സെക്യൂരിറ്റി സ്റ്റാഫ് (വിമുക്തഭടൻ)തസ്തികയിൽ ഉദ്യോഗാർത്ഥികളെ തിരഞ്ഞെടുക്കുന്നതിന് കൂടിക്കാഴ്ച നടത്തുന്നു. ജനുവരി 20 രാവിലെ 11 മണിക്കാണ് കൂടിക്കാഴ്ച. പ്രായപരിധി 40 -60. താൽപര്യമുള്ളവർ വിദ്യാഭ്യാസ യോഗ്യത, വയസ്സ്, പ്രവർത്തിപരിചയം എന്നിവ തെളിയിക്കുന്ന സർട്ടിഫിക്കറ്റുകളും ബയോഡാറ്റയും ആധാർ കാർഡും സഹിതം കോഴിക്കോട് വെസ്റ്റ്ഹിൽ ഭട്ട് റോഡിലുള്ള ജില്ലാ ആയുർവേദ ആശുപത്രിയിൽ നേരിട്ട് ഹാജരാകണം. കൂടുതൽ വിവരങ്ങൾക്ക് :0495 2382314
അപേക്ഷ ക്ഷണിച്ചു.
കേരളകര്‍ഷക തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ മക്കള്‍ക്ക് 2021-22 അധ്യയനവര്‍ഷത്തെ ഉന്നത വിദ്യാഭ്യാസ അവാര്‍ഡിനുള്ള അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തിയ്യതി ജനുവരി 31. കൂടുതൽ വിവരങ്ങൾക്ക്: 0495 2384006