രാജ്യത്തിന്റെ 74-ാമാത് റിപ്പബ്ലിക് ദിനാഘോഷം വിപുലമായി ആഘോഷിച്ച് ജില്ല. കല്‍പ്പറ്റ എസ്.കെ.എം.ജെ സ്‌കൂള്‍ ഗ്രൗണ്ടില്‍ നടന്ന റിപ്പബ്ലിക് ദിനാഘോഷ ചടങ്ങില്‍ ഉന്നത വിദ്യാഭ്യാസ- സാമൂഹ്യക്ഷേമ വകുപ്പ് മന്ത്രി ഡോ.ആര്‍.ബിന്ദു വിശിഷ്ടാതിഥിയായി. കോവിഡ് മാനദണ്ഡങ്ങള്‍, ഹരിത ചട്ടങ്ങള്‍ എന്നിവ പാലിച്ച് നടന്ന ചടങ്ങിലേക്ക് പൊതുജനങ്ങള്‍ക്കും പ്രവേശനം അനുവദിച്ചിരുന്നു. രാവിലെ 8.30 യോടെയാണ് ചടങ്ങുകള്‍ ആരംഭിച്ചത്. 9 ന് മന്ത്രി ഡോ.ആര്‍.ബിന്ദു ദേശീയ പതാക നിവര്‍ത്തി പരേഡിന് അഭിവാദ്യം സ്വീകരിച്ചു. തുടര്‍ന്ന് മന്ത്രി റിപ്പബ്ലിക്ദിന സന്ദേശം നല്‍കി.
റിപ്പബ്ലിക്ദിന പരേഡില്‍ 32 പ്ലാറ്റൂണുകളാണ് ഇത്തവണ അണിനിരന്നത്. കമ്പളക്കാട് പോലീസ് സ്റ്റേഷനിലെ സബ് ഇന്‍സ്‌പെക്ടര്‍ എം.എ. സന്തോഷ് പരേഡ് കമാന്‍ഡറായിരുന്നു. വയനാട് ഡി.എച്ച്.ക്യു റിസര്‍വ്വ് സബ് ഇന്‍സ്‌പെക്ടര്‍ ശ്രീനിവാസനായിരുന്നു സെക്കന്റ് ഇന്‍ കമാന്‍ഡര്‍. വാകേരി ജി.വി.എച്ച്.എസ്.എസ് സംഘം ബാന്റ് വാദ്യമൊരുക്കി. പോലീസ്, എക്സൈസ്, ഫോറസ്റ്റ്, എന്നിവര്‍ക്ക് പുറമെ ജില്ലയിലെ വിവിധ സ്‌ക്കൂളുകളിലേയും കേളേജുകളിലേയും എന്‍.സി.സി, എസ്.പി.സി, സ്‌ക്കൗട്ട് ആന്‍ഡ് ഗൈഡ്സ് പ്ലാറ്റൂണുകള്‍ പരേഡില്‍ അണിനിരന്നു. പോലീസ് -3 എക്സൈസ് -1 , ഫോറസ്റ്റ് – 1 പ്ലാറ്റൂണുകള്‍ക്കു പുറമെ ബത്തേരി സെന്റ് മേരീസ് കോളേജ്, മുട്ടില്‍ ഡബ്ല്യു എം.ഒ കോളേജ്, കല്‍പ്പറ്റ എന്‍.എം.എസ്.എം കോളേജ്, കല്‍പ്പറ്റ എസ്.കെ എം ജെ സ്്കൂള്‍, ചുണ്ടേല്‍ ആര്‍.സി.എച്ച്.എസ്.എസ്, മുട്ടില്‍ ഡബ്ല്യു. ഒ. വി.എച്ച് എസ് എസ്, പിണങ്ങോട് ഡബ്ല്യു. വി.എച്ച് എസ് എസ്, തരിയോട് നിര്‍മ്മല എച്ച്.എസ് എന്നിവിടങ്ങളിടെ എന്‍.സി.സി പ്ലാറ്റൂണുകളും കാപ്പിസെറ്റ് എന്‍.എം.ജി.എച്ച്.എസ്.എസ്, തലപ്പുഴ ജി.എച്ച് എസ്.എസ്, കല്‍പ്പറ്റ ജി.എം.ആര്‍ എസ്, പിണങ്ങോട് ഡബ്ല്യു. ഒ.എച്ച് എസ് എസ്, ബത്തേരി സര്‍വ്വജന, വെള്ളമുണ്ട ജി.എം.എച്ച്.എസ്.എസ്, മീനങ്ങാടി ജി.എച്ച്.എസ്.എസ്, കണിയാരം ജി.കെ.എം.എച്ച്.എസ്.എസ്, വാളാട് ജി.എച്ച് എസ്.എസ്, പനമരം ജി.എച്ച് എസ്.എസ്, മുണ്ടേരി ജി.വി.എച്ച് എസ്.എസ്, പുളിഞ്ഞാല്‍ ജി.എച്ച് എസ്.എസ്, മൂലങ്കാവ് ജി.എച്ച് എസ്.എസ് എന്നീ എസ്.പി.സി പ്ലാറ്റൂണുകളും കല്‍പ്പറ്റ ഡീപോള്‍ സ്‌കൂളിന്റെ സ്‌കൗട്ട് പ്ലാറ്റൂണും മുട്ടില്‍ ഡബ്ല്യു.ഒ.യു.പി എസ്, കല്‍പ്പറ്റ ഡീപോള്‍, മേപ്പാടി സെന്റ് ജോസഫ് ഗേള്‍സ് സ്‌കൂള്‍ എന്നിവയുടെ ഗൈഡ്സ് പ്ലാറ്റൂണുകളും കാക്കവയല്‍ മീനങ്ങാടി ജി.എച്ച്.എസ്.എസ് ജെ.ആര്‍.സി പ്ലാറ്റൂണുകളുമാണ് പങ്കെടുത്തത്.