കാവിലുംപാറ പഞ്ചായത്ത് കുടുംബശ്രീ സി ഡി എസ് സംഘടിപ്പിക്കുന്ന വിഷു വിപണന മേളക്ക് തുടക്കമായി. തൊട്ടിൽപ്പാലം ടൗണിൽ ആരംഭിച്ച വിപണന മേളയുടെ ഉദ്ഘാടനം പഞ്ചായത്ത് പ്രസിഡന്റ് പി ജി ജോർജ് മാസ്റ്റർ നിർവഹിച്ചു. സി ഡി എസ് ചെയർപേഴ്സൺ മോളി അധ്യക്ഷത വഹിച്ചു. ആദ്യ വിൽപ്പന പഞ്ചായത്ത്‌ വൈസ് പ്രസിഡന്റ് അന്നമ്മ ജോർജിന് നൽകി നിർവഹിച്ചു. സി ഡി എസ് വൈസ് ചെയർപേഴ്സൺ അല്ലി ബാലചന്ദ്രൻ സ്വാഗതം പറഞ്ഞു. മേള 13 ന് സമാപിക്കും.