പൊതു വിദ്യാലയങ്ങളിലെ ഐ ടി അധിഷ്ഠിത പഠനത്തിന്റെ സാധ്യതകൾ പരിശോധിച്ച് പുതിയ പദ്ധതി രൂപീകരിക്കുന്നതിനുള്ള സ്കൂൾ ഐ ടി കോ-ഓർഡിനേറ്റർമാരുടെ ജില്ലാതല ആശയ രൂപീകരണ ശില്പശാല കാരപ്പറമ്പ് ഗവ. എച്ച് എസ് എസ്സിൽ നടന്നു.

പൊതുവിദ്യാഭ്യാസ വകുപ്പിനു വേണ്ടി കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷൻ (കൈറ്റ്) ആണ് പദ്ധതിക്ക് നേതൃത്വം നൽകുന്നത്. പ്രവർത്തനാസൂത്രണത്തിന്റെ ഭാഗമായി ഐ ടി അധിഷ്ഠിത പഠനവുമായി ബന്ധപ്പെട്ട മേഖലകളെ കുറിച്ച് സ്കൂൾ ഐടി കോർഡിനേറ്റർമാരിൽ നിന്നും അഭിപ്രായ ശേഖരണം നടത്തിയിരുന്നു.

ശില്പശാലയിലെ നിർദേശങ്ങൾ ഏപ്രിൽ 18 -ന് എറണാകുളത്ത് നടക്കുന്ന സംസ്ഥാന ശില്പശാലയിൽ അവതരിപ്പിക്കും. കൈറ്റ് മാസ്റ്റർ ട്രെയിനർമാരുടെ വാർഷിക അവലോകന യോഗത്തിന്റെ ഭാഗമായി അടുത്ത വർഷം മുതലുള്ള പദ്ധതികൾക്ക് രൂപം നൽകും.