പുറമേരി ഗ്രാമ പഞ്ചായത്തിൽ വിഷു വിപണന മേള ആരംഭിച്ചു. കുടുംബശ്രീയുടെ നേതൃത്വത്തിൽ ആരംഭിച്ച വിപണന മേള തൂണേരി ബ്ലോക്ക് പഞ്ചായത്ത് പ്രസിഡന്റ് കെ.പി വനജ ഉദ്ഘാടനം ചെയ്തു.
ഗ്രാമ പഞ്ചായത്ത് വൈസ് പ്രസിഡന്റ് സി.എം വിജയൻ മാസ്റ്റർ അധ്യക്ഷത വഹിച്ചു. ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ബിന്ദു പുതിയോട്ടിൽ, വികസന സ്റ്റാൻറിംഗ് കമ്മിറ്റി ചെയർ പേഴ്സൺ കെ.എം വിജീഷ ,പുറമേരി ഗ്രാമ പഞ്ചായത്ത് മെമ്പർമാരായ ജിഷ ഒ.ടി, സമീർ മാസ്റ്റർ, സി.ഡി.എസ് ചെയർപേഴ്സൺ സ്വപ്ന ജി.കെ, പഞ്ചായത്ത് സെക്രട്ടറി സിന്ധു പി.ജി, അസിസ്റ്റന്റ് സെക്രട്ടറി മീന എന്നിവർ സംസാരിച്ചു.