പ്രളയദുരിതബാധിതരെ സഹായിക്കുന്നതിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് ജില്ലയിലെ 18  സര്‍ക്കാര്‍ വകുപ്പുകള്‍ ആദ്യഘട്ടത്തില്‍ സമാഹരിച്ചത് 1,41,04,106 രൂപ.  കളക്ടറേറ്റ് കോണ്‍ഫറന്‍സ് ഹാളില്‍ നടന്ന ദുരിതാശ്വാസനിധി സമാഹരണ യോഗത്തില്‍ വിവിധ വകുപ്പ് മേധാവികള്‍ തുക ജില്ലാ കളക്ടര്‍ പി.ബി. നൂഹിന്  കൈമാറി. സര്‍ക്കാര്‍ വകുപ്പുകളുമായി ബന്ധപ്പെട്ട മേഖലകളില്‍ നിന്നാണ് തുക സമാഹരിച്ചത്. ആദ്യഘട്ടത്തില്‍ തന്നെ തുക സമാഹരണത്തില്‍ വന്‍ മുന്നേറ്റമാണ് ജില്ലയില്‍ ഉണ്ടായിട്ടുള്ളത്.

ഏറ്റവും കൂടുതല്‍ തുക സമാഹരിച്ചത് തദ്ദേശഭരണ വകുപ്പാണ്, 72.54 ലക്ഷം രൂപ. സഹകരണ വകുപ്പാണ് തുക സമാഹരണത്തില്‍ രണ്ടാം സ്ഥാനത്തുള്ളത്, 30.65 ലക്ഷം രൂപ. മറ്റുള്ള വകുപ്പുകള്‍- മല്ലപ്പള്ളി താലൂക്ക് ഓഫീസ് 8.53 ലക്ഷം. കോന്നി താലൂക്ക് ഓഫീസ് 5.45 ലക്ഷം. മൈനിംഗ് ആന്‍ഡ് ജിയോളജി 4.9 ലക്ഷം. ജിഎസ്ടി വകുപ്പ് 3.45 ലക്ഷം. ഡ്രഗ്‌സ് കണ്‍ട്രോളര്‍ 3.42 ലക്ഷം. പൊതുമരാമത്ത് നിരത്തു വിഭാഗം 2.55 ലക്ഷം. താലൂക്ക് ഓഫീസ് അടൂര്‍ 2.1 ലക്ഷം. താലൂക്ക് ഓഫീസ് കോഴഞ്ചേരി 2.01 ലക്ഷം. ഭക്ഷ്യസുരക്ഷാ വകുപ്പ് 1.65 ലക്ഷം. തദ്ദേശഭരണ എന്‍ജിനിയറിംഗ് വിഭാഗം 83500 രൂപ. ലീഗല്‍ മെട്രോളജി 70,000 രൂപ. സപ്ലൈകോ റാന്നി ഡിപ്പോ 68,000 രൂപ, പിഡബ്ല്യുഡി കെട്ടിട വിഭാഗം 60,000 രൂപ. റവന്യു ഭൂരേഖാ വിഭാഗം 40,000 രൂപ. സപ്ലൈകോ തിരുവല്ല ഡിപ്പോ 32,000 രൂപ. താലൂക്ക് ഓഫീസ് റാന്നി(ജീവനക്കാരുടെ വിഹിതം) 25,000 രൂപ. വിവിധ സര്‍ക്കാര്‍ വകുപ്പുകള്‍ ദുരിതാശ്വാസ നിധിയിലേക്ക് ധനസമാഹരണത്തിനായി ഊര്‍ജിതമായ പ്രവര്‍ത്തനങ്ങളാണ് നടത്തി വരുന്നത്. രണ്ടാംഘട്ടത്തില്‍ എല്ലാ വകുപ്പുകളും ധനസമാഹരണത്തില്‍ വന്‍ മുന്നേറ്റം കൈവരിക്കുന്നതിനുള്ള ശ്രമങ്ങളാണ് നടത്തുന്നതെന്നും കളക്ടര്‍ പറഞ്ഞു.