എൻ്റെ കേരളം പ്രദർശന മേളയിൽ ഇൻഫർമേഷൻ പബ്ലിക് റിലേഷൻസ് വകുപ്പിൻ്റെ സ്റ്റാളിൽ നടത്തുന്ന അടിക്കുറിപ്പ് മത്സരം വേറിട്ട അനുഭവമാകുന്നു. മേളയിൽ നിന്നെടുക്കുന്ന വേറിട്ട ചിത്രങ്ങളാണ് മത്സരത്തിനായി നൽകുന്നത്. മേളയുടെ ആദ്യ മണിക്കൂറിൽ തന്നെ മത്സരത്തെ സന്ദർശകർ ഏറ്റെടുത്തു കഴിഞ്ഞിരുന്നു .
ആദ്യ ദിനത്തിൽ നൂറോളം പേർ മത്സരത്തിൻ്റെ ഭാഗമായി. കുട്ടികൾ മുതൽ മുതിർന്നവർ വരെ മത്സരത്തിൽ സജീവമാണ്. സമകാലിക പ്രശസ്തിയുളളതും ബോധവത്ക്കരണത്തിൻ്റെ ഭാഗമായുള്ള ചിത്രങ്ങളുമാണ് അടിക്കുറിപ്പ് മത്സരത്തിൽ ഉൾപ്പെടുത്തിയത്.
ഓരോ ദിവസത്തെയും മത്സര വിജയികൾക്കുള്ള സമ്മാനങ്ങൾ സമാപന സമ്മേളനത്തിൽ നൽകും. ദിവസേന എത്തുന്ന സന്ദർശകരെ ഉൾപ്പെടുത്തി ലൈവ് ക്വിസും ഇതോടൊപ്പം നടക്കുന്നുണ്ട്.