സംസ്ഥാന സര്‍ക്കാരിന്റെ രണ്ടാം വാര്‍ഷികത്തോടനുബന്ധിച്ച് ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ നേതൃത്വത്തില്‍ സംഘടിപ്പിക്കുന്ന കലാജാഥ നാളെ ജില്ലിയിലെ വിവിധ ഭാഗങ്ങളില്‍ പര്യടനം നടത്തും. രാവിലെ 9 ന് മാനന്തവാടി ഗാന്ധിപാര്‍ക്കില്‍ നിന്നാരംഭിക്കുന്ന കലാജാഥ ഒ.ആര്‍ കേളു എം.എല്‍.എ ഫ്ളാഗ് ഓഫ് ചെയ്യും. ചടങ്ങില്‍ ബ്ലോക്ക് പഞ്ചായത്ത് പ്രസിഡന്റ് ജസ്റ്റിന്‍ ബേബി പങ്കെടുക്കും. കലാഭവന്‍ ആര്‍ട്ടിസ്റ്റ് ക്ലബിന്റെ ആഭിമുഖ്യത്തിലാണ് കലാജാഥകള്‍ നടക്കുക. കലാജാഥ മാനന്തവാടി ഗാന്ധിപാര്‍ക്ക്, പനമരം ടൗണ്‍, പുല്‍പ്പള്ളി, സുല്‍ത്താന്‍ ബത്തേരി നഗരസഭാ പരിസരം, മീനങ്ങാടി ബസ്സ്റ്റാന്റ്, കല്‍പ്പറ്റ പുതിയ ബസ്സ്റ്റാന്റ്, മേപ്പാടി ടൗണ്‍, വൈത്തിരി പഴയ ബസ്സ്റ്റാന്റ് എന്നിവടങ്ങളില്‍ പര്യടനം നടത്തും.
