കേരള വിനോദസഞ്ചാര വകുപ്പിന്റെ കീഴിലുള്ള ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ 2023-24 അധ്യയന വർഷത്തേക്ക് ഒരു വർഷം ദൈർഘ്യമുള്ള പി.എസ്.സി അംഗീകത തൊഴിലധിഷ്ഠിത ഹോട്ടൽ മാനേജ്‌മെന്റ് കോഴ്‌സുകളിലേക്ക് അപേക്ഷ ക്ഷണിച്ചു. പ്ലസ് ടു/തത്തുല്ല്യം മാർക്കിന്റെ അടിസ്ഥാനത്തിലാണ് പ്രവേശനം. എസ്.സി/എസ്.ടി/ഒ.ഇ.സി വിഭാഗത്തിൽപ്പെടുന്ന വിദ്യാർഥികൾക്ക് സൗജന്യമായി പഠിക്കാം. മറ്റ് വിഭാഗത്തിൽപ്പെടുന്ന വിദ്യാർഥികൾക്കും സർക്കാർ ഉത്തരവുകൾക്ക് വിധേയമായി ഫീസ് ആനുകൂല്യമുണ്ട്.

ഫ്രണ്ട് ഓഫീസ് ഓപ്പറേഷൻ, ഫുഡ് ആൻഡ് ബീവറേജ് സർവ്വീസ്, ഫുഡ് പ്രൊഡക്ഷൻ, ബേക്കറി ആൻഡ് കൺഫെക്ഷണറി, ഹോട്ടൽ അക്കോമഡേഷൻ ഓപ്പറേഷൻ, കാനിംഗ് ആൻഡ് ഫുഡ് പ്രിൻസർവേഷൻ തുടങ്ങിയ കോഴ്‌സുകളിലാണ് പരിശീലനം. അപേക്ഷാ ഫോമും പ്രോസ്‌പെക്ടസും ഫുഡ് ക്രാഫ്റ്റ് ഇൻസ്റ്റിറ്റ്യൂട്ടുകളിൽ നിന്നും നേരിട്ട് വാങ്ങാം. www.fcikerala.org എന്ന വെബ്‌സൈറ്റ് വഴിയും അപേക്ഷിക്കാം.

കൂടുതൽ വിവരങ്ങൾക്ക് വെബ്‌സൈറ്റ് സന്ദർശിക്കുകയോ ഫുഡ് ക്രാഫ്റ്റ് ഇൻസ്റ്റിറ്റ്യൂട്ടുകളുടെ ഓഫീസുമായി ബന്ധപ്പെടുകയോ ചെയ്യണം. അപേക്ഷിക്കാനുള്ള അവസാന തീയതി ജൂൺ 30 വൈകീട്ട് അഞ്ച് മണി. ഫുഡ് ക്രാഫ്റ്റ് ഇൻസ്റ്റിറ്റ്യൂട്ട് തിരുവനന്തപുരം: 0471 2728340, കൊല്ലം: 0474 2767635, കോട്ടയം: 0481 2312504, തൊടുപുഴ: 0486 2224601, ചേർത്തല: 0478 2817234, കളമശ്ശേരി: 0484 2558385/0484 2963385, തൃശ്ശൂർ: 0487 2384253, പാലക്കാട്: 0492 2256677, പെരിന്തൽമണ്ണ: 0493 3295733, തിരൂർ: 0494 2944802/0494 2430802 കോഴിക്കോട്: 0495 2372131, കണ്ണൂർ: 0497 2706904/2933904, കാസർഗോഡ്: 0467 2236347.